Plaid Cymru “yn hapus i gadw Llafur mewn grym yn y Senedd” meddai Jonathan Swan

Diweddarwyd  

Mae Cadeirydd un o ganghennau Plaid Cymru yng Nghaerdydd wedi camu o’r neilltu, gan gyhuddo’r blaid o ddangos “rhagfarn ddifrifol”.

Mewn llythyr at aelodau, mae Jonathan Swan, Cadeirydd Etholaeth Gorllewin Caerdydd, yn cyhuddo’r Blaid o drin rhai aelodau yn “fwy cydradd nag eraill”.

Mae hefyd yn cyfeirio at driniaeth Neil McEvoy, yr Aelod Cynulliad a gafodd ei wahardd o Blaid Cymru am dorri ei rheolau sefydlog, ac a fu’n ymgeisydd tros yr etholaeth yn 2017.

Yn ogystal â lladd ar y Blaid, mae’r cyn-Gadeirydd yn dweud y bydd yn “torri pob cysylltiad” â nhw, a’i fod yn mynd i gyfrannu at greu plaid newydd.

“Mae’n bryd i blaid newydd ymddangos,” meddai. “Plaid a all gynrychioli Cymru gyfan, a bydda i’n ymrwymo fy holl amser o hyn ymlaen yn sicrhau bod hynny’n digwydd.”

Mae gan Neil McEvoy gysylltiadau cryf â’r gangen, ac mae peth dyfalu ei fod yntau am sefydlu plaid.

“Plaid sydd wedi ei chyfyngu…”

“Dim ond gweddillion y blaid sydd ar ôl,” meddai Jonathan Swan yn ei lythyr ta-ta.

“Plaid sydd wedi’i chyfyngu i’r ardaloedd Cymraeg traddodiadol, ond yn hapus i gadw Llafur mewn grym yn y Senedd.

“Dw i eisiau curo Llafur a rhoi diwedd ar eu dau ddegawd o rym yng Nghymru. Ac yr unig ffordd o wneud hynny yw trwy ennill de Cymru, gan gynnwys ein prifddinas.

“Mae wedi dod yn glir na fydd Plaid byth yn troi’n blaid a fydd yn gallu curo llafur yma. Roedd gennym gyfleoedd yng Ngorllewin Caerdydd, Blaenau Gwent a Llanelli.

“Ond ym mhob un o’r rhain gwnaeth arweinyddiaeth y blaid ymyrryd gan achosi holltau ac ymddiswyddiadau.”

Mae golwg360 wedi gofyn i Blaid Cymru am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones