Gwahardd Rob Howley am 18 mis am dorri rheolau betio

Diweddarwyd  

Rob Howley

Llun: Undeb Rygbi Cymru

Mae cyn-hyfforddwr cynorthwyol tîm rygbi Cymru, Rob Howley, wedi cael ei wahardd rhag bod yn gysylltiedig a’r gem am 18 mis, ar ôl torri rheoliadau betio. Mae’r gwaharddiad wedi’i ohirio am naw mis.

Cafodd Rob Howley ei anfon adref o Japan yn gynnar ar drothwy Cwpan Rygbi’r Byd ar ôl i Undeb Rygbi Cymru ddod yn ymwybodol o’r mater a chafodd ymchwiliad ei gynnal.

Roedd amheuon ei fod wedi bod yn betio ar gemau rygbi.

Mae’r gwaharddiad yn dyddio nôl i Fedi 16 2019 pan ddaeth ei swydd yng Nghwpan Rygbi’r Byd i ben, sy’n golygu y bydd yn gallu cael swydd rygbi o Fehefin 16 2020.

Roedd datganiad gan Undeb Rygbi Cymru (WRU) yn dangos bod Rob Howley wedi ei gyhuddo ym mis Hydref o fetio 364 gwaith ar gemau rygbi undeb dros gyfnod o bedair blynedd gan ddefnyddio cyfrifon gyda thair siop fetio yn ei enw ei hun.

Mae Rob Howley wedi derbyn y cyhuddiad, meddai’r datganiad.

Daeth y mater i sylw rheolwr polisi’r WRU Jeremy Rogers ar ôl i aelod o staff cwmni Betway gysylltu gydag o i ddweud bod Rob Howley wedi betio ar gemau Cymru.

Yn ystod cyfarfod ym mis Medi i drafod proses yr ymchwiliad roedd Rob Howley wedi cyfaddef ei fod yn ymwybodol bod betio ar gemau yn ymwneud a Chymru yn torri rheoliadau betio Rygbi’r Byd.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn