Storm yn gadael 1,300 o gartrefi Cymru heb drydan

 

Llun: CC0

Roedd storm Atiyah wedi gadael 1,300 o gartrefi yng Nghymru heb drydan dros nos, ond mae Western Power yn dweud bod cyflenwadau wedi cael eu hadfer yn hanner y cartrefi erbyn hyn.

Mae cwmni SP Energy Networks yn ceisio adfer cyflenwadau trydan ardal Pwllheli.

Ar eu cryfaf, mae gwyntoedd wedi cyrraedd 77 milltir yr awr mewn rhai ardaloedd yn y gogledd, a 74 milltir yr awr yng Ngheredigion.

Ond mae ardaloedd eraill wedi cael eu heffeithio hefyd, gan gynnwys Abertawe, Caerffili, Powys, Rhondda Cynon Taf a Sir Benfro.

Mae rhybudd melyn yn ei le yn y de, y gorllewin a’r canolbarth tan 9 o’r gloch fore heddiw (dydd Llun, Rhagfyr 9).

Teithio 

Mae’r tywydd yn cael effaith sylweddol ar deithwyr ym mhob rhan o Gymru ar hyn o bryd.

Yn Sir Gaerfyrddin, mae coed wedi cwympo ar ffordd A476 rhwng Ffair-fach a Charmel, ac rhwng Tre-Ioan a Llangain ar ffordd B4312.

Mae pontydd Cleddau yn Sir Benfro a Britannia yn Ynys Mon ynghau i gerbydau uchel.

Yn Rhondda Cynon Taf, mae sgaffaldau wedi cwympo yn ardal Pen-y-graig ger Tonypandy.

Ac mae un lôn ynghau i’r ddau gyfeiriad ar Bont Hafren yr M48.

Doedd y fferi o Ddulyn ddim wedi gallu cyrraedd y lan yng Nghaergybi dros nos, ac mae oedi o hyd at bum awr ar y daith oedd i fod i adael am 8.10 fore heddiw.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones