Senedd grog: Plaid Cwm Cynon yn llygadu “sefyllfa o bŵer”

Diweddarwyd  
Llun: Andrew Chainey

Andrew Chainey, Plaid Cwm Cynon

Fe allai Plaid Cwm Cynon fod mewn sefyllfa o “bŵer” pe bai yna senedd grog, yn ôl ei hymgeisydd yn yr etholiad cyffredinol.

Cafodd y blaid ei sefydlu gan ddau ddyn busnes o Aberdâr yn 2016, Andrew Chainey, a  Graham Marsh; ac eleni mae’r cyntaf o’r ddau yn sefyll trosti yn yr etholiad.

Mae etholaeth Cwm Cynon yn gadarnle Llafur, ac mae saith ymgeisydd yn sefyll yno i gyd, ond mae’r dyn o Blaid Cwm Cynon yn ffyddiog am ei obeithion.

Mae’n egluro bod ei blaid yn frwd o blaid cyflawni Brexit – pleidleisiodd 56.9% o’r sedd o blaid gadael yn 2016 – ac mae’n teimlo y gallai fod mewn safle cryf pe na fyddai un blaid yn ennill mwyafrif.

“Rydym yn sicr yn sefyll tros ffordd well o wneud pethau,” meddai. “Mae’r sustem wedi torri. Pan dyw’r cynrychiolwyr lleol a chenedlaethol ddim yn cynrychioli ewyllys y bobol, mae rhywbeth yn bod. Dyna rydym ni’n ei gredu.

“Mae gennym gyngor, Aelod Cynulliad, ac Aelod Seneddol Llafur sydd ddim yn cynrychioli’r 57% o’n cwm a oedd eisiau Brexit – a oedd eisiau gadael. Mae’n annemocrataidd…

“Mewn senedd grog efallai byddai gennym bŵer wrth negodi.”

Mae’n dweud bod y blaid i’r “canol, efallai i’r dde o’r canol” ac mae’n dweud y byddai’r un mor agored i ochri â’r Ceidwadwyr ag y byddai â’r Blaid Lafur yn San Steffan.

Ann Clwyd yn camu o’r neilltu

Ers cael ei sefydlu yn 1983 mae’r etholaeth wedi cael ei chynrychioli gan Lafur, ac ers 1984 mae wedi cael ei chynrychioli gan yr un Aelod Seneddol, Ann Clwyd.

Ond eleni mae wedi camu o’r neilltu ac mi fydd ymgeisydd newydd, Beth Winter, yn cynrychioli Llafur yn ei lle.

Dyw Andrew Chainey ddim yn gorfoleddu am ei fod yn teimlo y byddai wedi cael mwy o obaith o guro Ann Clwyd.

“[Mae gennym] llai o gyfle na pe bai hi wedi peidio â sefyll i lawr,” meddai. “Dyna yw’r gwir. Efallai mai hi oedd yn cynrychioli’r cwm, ond dyw hi ddim wedi cynrychioli’r cwm go iawn.

“Dyw hi ddim wedi treulio llawer o amser yna. Dyw hi ddim wedi rhoi’r sylw i’r ardal mae hi’n haeddu. Mae llawer o bobol wedi digalonni â Llafur oherwydd hynny.

“Gyda hi’n sefyll i lawr, dw i’n credu ei fod yn cynyddu gobeithion Llafur.”

Safodd Mary Winter, mam Beth Winter, yn erbyn Ann Clwyd yn 1984 ar ran y Blaid Gomiwnyddol.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones