Mse Trefynwy a Llandrindod ymhlith y llefydd sydd â’r trigolion hapusaf yng ngwledydd Prydain, yn ôl arolwg newydd.
Rightmove sydd wedi cynnal yr arolwg, sy’n gosod Cymru’n bedwerydd ymhlith y gwledydd a’r rhanbarthau hapusaf yng ngwledydd Prydain.
Mae Trefynwy yn seithfed ar y rhestr, tra bod Llandrindod yn bumed.
Hexham yn Northumberland ddaeth i’r brig, tra bod pedair tref arall yng ngogledd Lloegr ar y rhestr – Harrogate, Skipton, Altrincham a Southport.
Yn cwblhau’r rhestr mae Richmond, Dorchester a Sevenoaks.
Cafodd mwy na 22,000 o bobol eu holi ar gyfer yr arolwg, gan nodi eu barn am ysbryd y gymuned, diogelwch, cyflogau a pha mor gyfeillgar yw eu cymdogion.
Cawson nhw eu holi hefyd am gyfleusterau chwaraeon a chelfyddydau, siopau, bwytai, meddygfeydd, ysgolion a llefydd gwyrdd.
Dyma restr y trefi yn llawn:
- Hexham
- Harrogate
- Richmond
- Skipton
- Llandrindod
- Altrincham
- Trefynwy
- Dorchester
- Sevenoaks
- Southport
A dyma’r gwledydd a rhanbarthau hapusaf
- De-orllewin Lloegr
- De-ddwyrain Lloegr
- Dwyrain Lloegr
- Cymru
- Yr Alban
- Dwyrain Canolbarth Lloegr
- Swydd Efrog a Humber
- Gogledd-ddwyrain Lloegr
- Llundain
- Gorllewin Canolbarth Lloegr
