Jonathan Edwards yn canmol Adam Price ar ôl dadl deledu

 
Adam Price

Adam Price

Llun gan swyddfa Adam Price

Adam Price enillodd y ddadl deledu ymhlith arweinwyr gwleidyddol gwledydd Prydain, yn ôl Jonathan Edwards, ymgeisydd seneddol Plaid Cymru.

Dywed fod arweinydd y blaid “ben ac ysgwyddau” uwchlaw’r arweinwyr eraill yng Nghymru yn ystod y ddadl, a’i fod yn disgwyl iddo ddod yn Brif Weinidog Cymru adeg etholiadau’r Cynulliad yn 2021.

Fe wnaeth e ganmol Adam Price am herio Llafur a’r Ceidwadwyr ar wasanaethau cyhoeddus Cymru – her sydd wedi arwain at Lafur yn galw am ymchwiliad cyhoeddus a chyfreithiol i fethiannau Bwrdd Iechyd Cwm Taf.

Yn ystod y ddadl, fe addawodd e y byddai Plaid Cymru’n dileu tlodi ac yn codi Cymru oddi ar waelod tablau economaidd gwledydd Prydain.

“Gallwn ni adeiladu dyfodol sy’n well na’r gorffennol, ond dim ond os cefnogwn ni ein hunain y gallwn ni wneud hynny, os pleidleisiwn ni dros ein plaid ein hunain,” meddai Adam Price o’r llwyfan.

Yn ôl Jonathan Edwards, arweinydd ei blaid oedd yr unig un i gyfeirio’n benodol at Gymru.

Fe wnaeth e rannu llwyfan yn y Senedd yng Nghaerdydd gyda Nicola Sturgeon (SNP), Caroline Lucas (Y Blaid Werdd), Rebecca Long-Bailey (Llafur), Richard Tice (Plaid Brexit), Rishi Sunak (Ceidwadwyr) a Jo Swinson (Democratiaid Rhyddfrydol).

‘Adam Price ar ei ben ei hun wrth roi Cymru ar agenda San Steffan’

“Yr hyn mae’r perfformiad heno’n ei ddangos yw fod Adam Price ben ac ysgwyddau uwchlaw unrhyw wleidydd arall yng Nghymru, a’i fod e ar ei ffordd i fod yn Brif Weinidog nesaf Cymru,” meddai Jonathan Edwards o’r ystafell sbin neithiwr (nos Wener, Tachwedd 29).

“Ar ei ben ei hun heno, fe wnaeth Adam Price roi Cymru ar agenda San Steffan.

“Nid yn unig roedd e’n cynnig syniadau polisi positif ar gyfer yr heriau mae ein gwlad yn eu hwynebu, ond wnaeth e ddim camu i ffwrdd o herio Llafur a’r Torïaid ynghylch eu methiant a’u cam-reolaeth o wasanaethau cyhoeddus yn y Deyrnas Unedig ac yma yng Nghymru.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones