Beirniadu Llafur am roi buddsoddiad yn yr Alban o flaen Cymru

Diweddarwyd am  
Adam Price yn annerch wedi'r etholiad

Adam Price

Llun: Plaid Cymru

Mae Plaid Cymru’n beirniadu’r Blaid Lafur am addo buddsoddi £100bn yn yr Alban dros gyfnod o ddeng mlynedd – wrth iddyn nhw fethu â chynnig buddsoddiad tebyg yng Nghymru.

Mae Adam Price yn cyhuddo Llafur o “gymryd Cymru’n ganiataol” ac o gamarwain ynghylch fformiwla Barnett, sef y fformiwla sy’n cael ei ddefnyddio i benderfynu faint o arian mae Cymru’n ei dderbyn fel rhan o’r cytundeb datganoli.

Mae Llafur yn dweud y bydd Cymru’n derbyn £3.4bn yn fwy erbyn 2023-24, ond mae Plaid Cymru’n dadlau y bydd yn is na’r cynnydd yn y gwariant presennol yn ôl eu cynlln nhw, a fyddai’n cyrraedd £1bn y flwyddyn nesaf.

Mae Adam Price yn dadlau bod maniffesto Llafur yn gadael Cymru’n wannach yn economaidd na’r Alban, a bod Llafur wedi cefnu ar addewid maniffesto blaenorol i edrych ar ariannu tecach i Gymru fel gwlad datganoledig.

Mae’n dweud bod yr addewidion i ddatganoli cyfiawnder a phlismona hefyd wedi cael eu rhoi o’r neilltu.

Ar y cyfan, mae Adam Price yn cyhuddo’r Blaid Lafur o “ddiystyru ac amharchu” Cymru.

‘Diffyg ymroddiad’

“Mae diffyg unrhyw fath o ymroddiad i fuddsoddi yng Nghymru’n dangos cymaint mae Llafur yn cymryd pobol Cymru’n ganiataol,” meddai arweinydd Plaid Cymru.

“Byddan nhw’n buddsoddi’r swm enfawr o £100bn yn yr Alban dros gyfnod o ddeng mlynedd ond yn gadael dim byd i Gymru.

“Ar sail cymesuredd, dylai Cymru dderbyn £60bn o fuddsoddiad dros gyfnod o ddeng mlynedd.

“Pam nad oes yna’r fath ymrwymiad gan Lafur?

“Maen nhw wedyn yn dweud y dylen ni fod yn ddiolchgar am y buddsoddiad o £3.4bn o arian Barnett ymhen pedair blynedd. Mae’n sarhaus.”

“Mae diffyg unrhyw fath o uchelgais a buddsoddiad yn dangos y difaterwch ac amharch sydd gan Lafur at Gymru.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones