Llafur ddim am ymchwilio i honiadau o wrth-semitiaeth

Diweddarwyd am  
logo rhosyn gwyn ar gefndir coch

Logo Llafur Cymru

Llun: Y Blaid Lafur

Dyw’r Blaid Lafur ddim yn bwriadu ymchwilio i honiadau fod  ymgeisydd seneddol wedi bod yn rhedeg grŵp Facebook sydd ynghlwm a sylwadau gwrth-semitaidd.

Cafodd y grŵp ei sefydlu er mwyn rhoi cyngor i aelodau Llafur ar sut i amddiffyn eu hunain mewn ymchwiliadau disgyblu mewnol y blaid.

Dywedodd llefarydd ar ran y blaid nad yw Maria Carroll, ymgeisydd Dwyrain Caerfyrddin a Dinefwr, wedi cael ei chyhuddo o wneud sylwadau gwrth-semitaidd ei hun ac nad ydyn nhw wedi derbyn cwyn amdani. Fe ymddangosodd yr honiadau am y sylwadau mewn erthygl ym mhapur y Mail on Sunday ddoe (dydd Sul, Tachwedd 17).

Mae Maria Carroll wedi amddiffyn ei hun mewn sylwadau ar ei chyfrif Twitter, gan ddweud nad oedd hi erioed wedi gweld y sylwadau gwrth-semitaidd gan ddau aelod arall o’r grŵp a’i bod wedi gadael y grŵp pan oedd wedi dechrau rhoi pwyslais ar wrth-semitiaeth.

Dywedodd: “Ni chafodd y sylwadau yma eu gwneud mewn grŵp Facebook yr oeddwn i ynddo, a phe bawn i wedi eu gweld mi faswn i wedi eu condemnio,” meddai.

Llafur yn erbyn gwrth-semitiaeth yn condemnio’r penderfyniad

Mae’r grŵp Llafur yn Erbyn Gwrth-Semitiaeth (LAAS) wedi condemnio penderfyniad y blaid i beidio cynnal ymchwiliad i’r honiadau.

Mewn datganiad ar wefan y grŵp, dywedodd yr arweinydd Fiona Sharpe bod y penderfyniad i beidio cynnal ymchwiliad yn “warthus”.

“Cafodd Maria Carroll ei chrybwyll i Lafur yn erbyn gwrth-semitiaeth gyntaf yn 2017, roedd hi’n aelod blaenllaw o grŵp Facebook oedd yn delio gyda rhai o’r sylwadau gwrth-semitaidd mwyaf ffiaidd mae ein hymchwilwyr erioed wedi ei weld.”

Mae LAAS wedi pwyso ar aelodau blaenllaw o’r Blaid Lafur yng Nghymru, gan gynnwys y Prif Weinidog Mark Drakeford, i alw am ymchwiliad llawn ar frys ac yn galw ar Maria Carroll i gamu o’r neilltu fel ymgeisydd cyn yr etholiad cyffredinol ar Ragfyr 12.

Mae Golwg360 wedi gofyn i swyddfa Mark Drakeford am ymateb.

Yr ymgeiswyr eraill sy’n sefyll yn Nwyrain Caerfyrddin a Dinefwr yw Jonathan Edwards ar ran Plaid Cymru, Havard Hughes ar ran y Ceidwadwyr a Peter Prosser o Blaid Brexit.

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones