Steve Bray, “Mr Dim Brexit”, eisiau cynrychioli Cwm Cynon

 
Steve Bray

Steve Bray

Llun: Cyfrif Facebook Steve Bray

Mae Steve Bray, ymgyrchydd 50 oed sy’n cael ei adnabod fel ‘Mr Dim Brexit’, am frwydro i ennill sedd Cwm Cynon i’r Democratiaid Rhyddfrydol yn San Steffan.

Mae wedi dod i’r amlwg wrth ddal arwyddion i fyny y tu allan i San Steffan yn ystod darllediadau byw, yn dangos ei wrthwynebiad i ymadawiad Prydain o’r Undeb Ewropeaidd.

Ond mae Jo Swinson, arweinydd y blaid, yn dweud na ddylid ystyried ei ymgyrch yn “jôc”.

“Caiff ein hymgeiswyr eu dewis gan bleidiau lleol a chenedlaethol, felly bydd yr etholaeth wedi dewis Steve i fod yn ymgeisydd,” meddai.

“Mae e’n aelod o’r Democratiaid Rhyddfrydol, ac yn ymgyrchydd brwd.

“Mae e wedi dod yn fwyfwy adnabyddus yn yr ymgyrch tros Aros, a dw i’n siŵr y bydd e’n dod â’r un egni i’r ymgyrch yma yng Nghymru.”

‘Dim jôc’

Dywed Jo Swinson nad yw hi’n cytuno â’r rhai sy’n debygol o ystyried ymgeisyddiaeth Steve Bray yn “jôc”.

“Byddwn i’n dweud yn barchus fy mod i’n anghytuno, a’i fod e’n rhywun sydd yn cadw at ei werthoedd ac yn hidio’n arw.

“Dw i’n meddwl ein bod ni am i’n gwleidyddion hidio am y materion maen nhw’n mynd i’r afael â nhw.

“Dw i’n credu bod Steve yn enghraifft o rywun sy’n gwneud hynny’n amlwg iawn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones