Cyn-ymgeisydd: aberthu Sir Drefaldwyn “yn ddealladwy”

Diweddarwyd am  
Papur pleidleisio'n cael ei roi yn y blwch

Pleidleisio

Llun: Michael Swan CCA3.0

Mae’n “ddealladwy” fod Plaid Cymru wedi ildio sedd Sir Drefaldwyn i’r Democratiaid Rhyddfrydol, yn ôl ei harweinydd ar Gyngor Powys.

Roedd y Cynghorydd Elwyn Evans wedi cael ei ddewis i herio’r sedd i’r Blaid yn yr etholiad cyffredinol, ond dros y penwythnos dywedodd y Pwyllgor Gwaith wrtho na fyddai’n sefyll yn ei henw hi.

Bellach mae Plaid Cymru wedi cadarnhau ei bod wedi taro bargen â’r Gwyrddion a’r Democratiaid Rhyddfrydol, ac fel rhan o’r cytundeb byddan nhw’n camu o’r neilltu yn Sir Drefaldwyn.

Ddechrau’r wythnos, roedd Elwyn Evans yn dweud fod pobol yr ardal yn “lloerig” â’r sefyllfa, ond erbyn hyn mae ei safiad wedi meddalu.

“Yn amlwg mae’r rhyddfrydwyr gyda hanes hir ym Maldwyn, ac felly mae’n rhesymol eu bod nhw’n targedu ac eisiau hoelio sylw fan hynny – fel ym Mrycheiniog a Sir Faesyfed,” meddai wrth golwg360.

“Hynny yw, mae i gyd yn ddealladwy. Mae rhywun yn gallu deall hefyd y darlun mawr, ac yn y blaen.”

Pwrpas y ddêl rhwng y tair plaid yw cynyddu’r posibiliad o bleidiau sydd yn cefnogi aros yn yr Undeb Ewropeaidd yn ennill seddi.

Sefyll yn annibynnol?

Mae’r cynghorydd yn dweud na fydd yn sefyll yn annibynnol er ei fod yn “siomedig” Steffan, a fydd e ddim chwaith yn bwrw pleidlais tros y Democratiaid Rhyddfrydol.

Mae hefyd yn tybio bod llawer o bleidwyr yr etholaeth yn mynd i gael hi’n anodd pleidleisio tros y blaid honno.

“Dyw nifer fawr ddim yn mynd i bleidleisio, neu maen nhw’n mynd i ddifetha eu pleidleisiau,” meddai.

“Y gwir ydi, er bod pleidiau gwleidyddol yn gallu gwneud cytundebau mae’n anodd iawn trosglwyddo aelodau, ac yn y blaen, drosodd. Ar ddiwedd y dydd mae fyny i’r unigolion.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones