Arweinydd UKIP yn y Cynulliad, Gareth Bennett, yn cefnu ar y blaid

 
gareth bennett ukip

Gareth Bennett

Llun: oddi ar wefan UKIP

Mae Arweinydd UKIP yn y Cynulliad, Gareth Bennett, wedi cefnu ar y blaid.

Ef yw’r seithfed Aelod Cynulliad i adael y blaid, a bellach dim ond Neil Hamilton sy’n parhau i’w chynrychioli yn y Senedd ym Mae Caerdydd.

Bydd Gareth Bennett yn parhau’n Aelod Cynulliad annibynnol, ac mae wedi ymrwymo i “gefnogi dêl Boris Johnson”, Prif Weinidog y Deyrnas Unedig.

Wrth gamu i lawr, mae wedi cyhuddo Plaid Brexit ac UKIP o geisio “tanseilio Brexit” trwy beidio â chyfaddawdu a derbyn Brexit meddalach.

“Mae yna berygl os na fydd dêl Boris Johnson yn cael ei basio fyddwn ni ddim yn gadael o gwbwl,” meddai.

“Mae’r rheiny ohonom a oedd eisiau dêl galetach yn gorfod derbyn yn awr yn gorfod sylweddoli mai dêl Boris yw’r gorau y gallwn ei gael ar hyn o bryd. Alla’ i ddim dal ati i gefnogi safiad afrealistig UKIP ar Brexit.”

Colli aelodau

Fe ymunodd pedwar Aelod Cynulliad – Mark Reckless, Mandy Jones, Caroline Jones a David Rowlands – â The Brexit Party ym mis Mai ar ôl cefnu ar UKIP.

Mae Michelle Brown yn dal i fod yn Aelod Cynulliad annibynnol ar ôl gadael UKIP ym mis Mawrth.

Collodd UKIP pob un o’i Aelodau Seneddol Ewropeaidd ym mis Mai wrth i Blaid Brexit gipio mwyafrif o seddi ledled y Deyrnas Unedig.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones