Symud trigolion o barc preswyl Trefynwy oherwydd risg llifogydd

Diweddarwyd am  
Afon Gwy, Trefynwy lle mae rhybudd am lifogydd

Afon Gwy, Trefynwy lle mae rhybudd am lifogydd

Llun: Cyfoeth Naturiol Cymru

Mae trigolion sy’n byw mewn parc preswyl yn Nhrefynwy wedi gorfod gadael eu cartrefi oherwydd bod lefelau afonydd yn codi a dŵr llifogydd yn dod i mewn i’r safle.

Ar hyn o bryd mae Heddlu Gwent a Gwasanaeth Tân ac Achub De Cymru yn cynghori trigolion ym mharc preswyl Riverside yn Nhrefynwy i adael eu cartrefi oherwydd y risg llifogydd, a lefelau afonydd yn codi.

Mae Cyngor Sir Fynwy yn darparu cludiant o’r parc i Neuadd y Sir yng nghanol Trefynwy, sydd wedi’i sefydlu fel canolfan dros dro.

Mae Cyfoeth Naturiol Cymru wedi cyhoeddi rhybudd llifogydd ar gyfer Afon Gwy yn Nhrefynwy ac mae lefel uchel yr afon wedi sbarduno ymateb gan y gwasnaethau brys i symud pobol o’r safle.

“Rydyn ni’n gweithio gyda Heddlu Gwent a Chyngor Sir Fynwy i symud pobl yn ddiogel o’r parc preswyl yn gyflym,” meddai Tim England, Rheolwr Gweithrediadau Cyfoeth Naturiol Cymru.

“Mae glaw trwm diweddar ar draws De Cymru yn achosi i lefel dwr yn Afon Gwy yn Nhrefynwy i godi a bydd yn parhau i godi yn ystod yr oriau nesaf.

“Rydym yn annog pobl i aros yn wyliadwrus ac edrych ar ein gwefan am rybuddion llifogydd yn eu hardaloedd a gwrando ar unrhyw gyngor a roddir ar ba gamau i’w cymryd. ”

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones