Carcharu dyn, 27, wedi marwolaeth ar faes pebyll ger Caernarfon

 

Mae dyn, 27, wedi cael ei garcharu am wyth mlynedd a phedwar mis ar ôl iddo bledio’n euog o achosi marwolaeth trwy yrru’n beryglus.

Bu farw Anna Roselyn Evans, 46, o Aberystwyth, yn yr ysbyty dros wythnos ar ôl i Jake Waterhouse o ardal Manceinion yrru car trwy bebyll ar faes gwersylla ger Bethel, Caernarfon ym mis Awst.

Clywodd y llys fod Jake Waterhouse a’i ffrind, Philip Eves, wedi bod yn yfed wisgi a lager ar faes gwersylla Rhyd y Galen cyn y digwyddiad yn ystod oriau mân y bore ar Awst 19.

Cafodd tri pherson arall eu hanafu yn ystod y digwyddiad.

Derbyniodd Jake Waterhous ei ddedfryd yn Llys y Goron y Wyddgrug heddiw (dydd Mawrth, Hydref 22). Mae hefyd wedi cael ei wahardd rhag gyrru am gyfnod o flwyddyn a deufis.

Anna Roselyn Evans

Bu farw Anna Roselyn Evans o’i hanafiadau yn yr ysbyty yn Stoke ar Awst 27, wedi iddi gael ei chludo yno o Ysbyty Gwynedd.

Roedd y Gymraes yn gweithio i Gomisiwn Brenhinol Henebion Cymru yn Aberystwyth.

Mewn datganiad, dywedodd ei gŵr fod ei marwolaeth wedi cael effaith drom ar y teulu, gan gynnwys ei phlant, Lowri, 25, a Richard, 24.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones