Plaid Cymru yn bwriadu herio Chris Bryant os y daw’n Llefarydd

Diweddarwyd  

Fe fydd Plaid Cymru yn herio Aelod Seneddol y Rhondda os y bydd yn cael ei ethol yn Llefarydd Tŷ’r Cyffredin.

Mae Chris Bryant eisoes wedi cyhoeddi bod ganddo ddiddordeb mewn olynu’r Llefarydd presennol, John Bercow, a fydd yn camu o’r neilltu ar Hydref 31 – y diwrnod pan mae disgwyl i Brexit ddigwydd.

Bydd Aelodau Seneddol yn ethol Llefarydd newydd yr wythnos ganlynol, ar Dachwedd 4.

Mae’n arferiad adeg etholiad cyffredinol i’r prif bleidiau – y Ceidwadwyr, Llafur a’r Democratiaid Rhyddfrydol – beidio â sefyll yn erbyn y Llefarydd.

Fodd bynnag, nid pob plaid sydd wedi parchu’r arferiad hwn yn y gorffennol. Yn 1979, er enghraifft, fe heriodd Plaid Cymru yr aelod tros Orllewin Caerdydd ar y pryd, George Thomas, tra oedd yn Llefarydd.

“Dyw’r Rhondda ddim yn debyg i Buckingham”

Yn ôl Aelod Cynulliad y Rhondda, Leanne Wood, fydd Chris Bryant ddim yn ddiwrthwynebiad mewn etholiad os bydd yn cael ei ethol yn Llefarydd.

“Dyw’r Rhondda ddim yn debyg i Buckingham – etholaeth y Llefarydd presennol, John Bercow,” meddai llefarydd ar ran y gangen leol o Blaid Cymru.

“Mae gan y Rhondda rai problemau cymdeithasol difrifol i’w datrys ac sydd angen sylw Aelod Seneddol ymroddedig, llawn amser. All y Rhondda ddim fforddio cael ei chynrychioli gan Seneddwr sydd â mwy o ddiddordeb mewn rhwysg na thlodi.”

“Mae’r Rhondda yn haeddu’r hawl i ddewis pwy yw ei Aelod Seneddol nesaf.

“Bydd Plaid Cymru yn sicrhau y bydd yna ddewis yn yr etholiad cyffredinol nesaf os bydd Chris Bryant yn cael ei ethol yn Llefarydd Tŷ’r Cyffredin.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones