Dan Biggar yn holliach i herio’r Ffrancwyr

Diweddarwyd am  

Mae’r maswr Dan Biggar a’r canolwyr Jonathan Davies a Hadleigh Parkes yn y tîm i wynebu Ffrainc fore Sul.

Mae Jonathan Davies erbyn hyn wedi gwella o’r anaf a dderbyniodd i’w goes yn ystod y gêm yn erbyn Ffiji, a’r un yw hanes Hadleigh Parkes a anafodd ei ysgwydd yn y gêm yn erbyn Wrwgwái.

Bu pryder hefyd am ffitrwydd Dan Biggar, wedi iddo anafu ei ben a gorfod gadael y cae yn ystod y gemau yn erbyn Ffiji ac Awstralia.

Ond mae Warren Gatland wedi cynnwys y tri yn y tîm a fydd yn wynebu’r Ffrancwyr mewn gêm anferthol yn Japan ddydd Sul (Hydref 20).

O drechu’r Ffrancwyr, fe fyddai’r Cymru drwodd i’r rownd gynderfynol, ac yn fuddugoliaeth o gyrraedd ffeinal Cwpan Rygbi’r Byd am y tro cyntaf erioed.

Tîm cryf

Mae’r Prif Hyfforddwr Warren Gatland wedi cyhoeddi’r un tîm a sicrhaodd y fuddugoliaeth fawr yn erbyn Awstralia bron i dair wythnos yn ôl, gyda Chymru yn ennill 29-25.

Yn y rheng flaen bydd Wyn Jones, Ken Owens a Tomas Francis, tra bo’r Capten Alun Wyn Jones a Jake Ball yn ffurfio’r ail reng.

Aaron Wainwright, Justin Tipuric a Josh Navidi fydd yn y rheng ôl.

Mae Gareth Davies a Dan Biggar wedi eu henwi’n fewnwr a maswr, a bydd Hadleigh Parkes a Jonathan Davies yn cychwyn ynghanol y cae.

Y tri yn y cefn wedyn fydd Josh Adams, George North a Liam Williams.

Y tîm

Liam Williams; George North, Jonathan Davies, Hadleigh Parkes, Josh Adams; Dan Biggar, Gareth Davies; Wyn Jones, Ken Owens, Tomas Francis, Jake Ball, Alun Wyn Jones (c.), Aaron Wainwright, Josh Navidi, Justin Tipuric.

Ar y fainc

Elliot Dee,  Rhys Carre, Dillon Lewis, Adam Beard, Ross Moriarty, Tomos Williams, Rhys Patchell, Owen Watkin.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones