Galw ar sêr Cymru i droi’r carped coch yn wyrdd

 
Matthew Rhys yn y gyfres The Americans

Matthew Rhys yn y gyfres The Americans

Mae mudiadau Sustainable Fashion Wales a Chyfeillion y Ddaear Cymru yn galw ar sêr Cymru i wisgo’n ffasiynol mewn ffordd sy’n gyfeillgar i’r amgylchedd.

Mae parti enwebiadau Bafta Cymru ar Hydref 13 a Gwobr Gerddoriaeth Gymreig y flwyddyn nesaf ymhlith y digwyddiadau sy’n cael eu hannog i “droi’r carped coch yn wyrdd” drwy wisgo dillad ffasiynol sy’n gynaliadwy.

Ymhlith y sêr sydd wedi derbyn yr her mae’r actorion Michael Sheen a Matthew Rhys.

Y sefyllfa

 Mae allyriadau y diwydiant ffasiwn ar hyn o bryd yn cyfrannu at 10% o allyriadau cyfan y byd, o ganlyniad i gynhyrchiant ynni dwys a chadwyni cyflenwi maith.

Mae dillad yn achosi niwed amgylcheddol sydd yn gwaethygu wrth i brisiau dillad ostwng a chyflymdra eu hanfon at ddefnyddwyr gynyddu.

Gall un llwyth golchi o ffabrig polyester ryddhau hyd at 700,000 o ffibrau microplastigion i systemau dŵr.

Yn ôl ymchwil gan Brifysgol Bangor eleni, mae microplastigion yn y deg llyn, afon a chronfa ddŵr y gwnaeth eu hymchwil ganolbwyntio arnyn nhw yng ngwledydd Prydain.

Daw plastigion i mewn i gadwyn fwyd gan ryddhau elfennau gwenwynig wrth iddyn nhw symud.

Caiff llawer o ddŵr ei ddefnyddio i gynhyrchu dillad, gydag ymchwil yn awgrymu fod angen rhwng 10,000 a 20,000 litr i gynhyrchu gwerth cilo o gotwm, sydd yn cyfateb i un crys neu bâr o jîns.

Mae hyn yn effeithio yn ddifrifol ar wledydd sydd yn datblygu, oherwydd ei fod yn achosi prinder dŵr.

Mae opsiynau mwy cynaliadwy er mwyn datrys y sefyllfa hon yn cynnwys defnyddio deunyddiau mwy cynaliadwy megis bambŵ, cywarch neu ddeunyddiau sydd wedi cael eu hailgylchu, ynghyd â dod i arfer â gwisgo dillad mwy nag unwaith yn unig.

Her ‘enfawr’

“Mae’r diwydiant ffasiwn yn fawr ac wedi ei ddosbarthu’n eang, felly mae gweithredu newid yn her enfawr!” meddai Eleni Morus o Gyfeillion y Ddaear Cymru.

“Os nad yw gofynion y cwsmer yn newid, nid yw’r diwydiant yn debygol o newid.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones