Ffrae (arall) yn TOFS Pwllheli tros fathodynnau ‘Dw i’n siarad Cymraeg’

Diweddarwyd am  

Mae un o siopau’r stryd fawr yn nhref Pwllheli wedi gwrthod rhoi bathodynnau i’w staff er mwyn nodi eu bod nhw’n siarad Cymraeg.

Mae The Original Factory Shop yn dweud nad oes hawl gan weithwyr i wisgo bathodynnau bach oren ‘Dw i’n siarad Cymraeg’ ar eu brest – a hynny ychydig wythnosau’n unig ers i’r cwmni fod yng nghanol ffrae iaith yn y dre’.

Ym mis Awst eleni, roedd y wefan hon yn adrodd fel y cafodd cwsmer ei chynghori i adael y siop ar ôl gofyn am gymorth yn Gymraeg. Ac er i’r cwmni ddweud bryd hynny ei fod yn cynnal ymchwiliad i’r digwyddiad, maen nhw bellach yn gwrthod bathodynnau iaith.

Y ffrae ddiweddaraf

Y tro hwn, mae prif swyddfa The Original Factory Shop yn Burnley, Lancashire, wedi gwrthod gadael i staff yn siop Pwllheli wisgo bathodynnau yn dweud eu bod yn gallu siarad Cymraeg.

Roedd Elfed Gruffydd, un o gynghorwyr tref Pwllheli, wedi bod yn y siop i holi y fyddai staff Cymraeg yn hoffi bathodynnau sy’n dweud ‘Dw i’n siarad Cymraeg’.

“Mi es i’r siop i holi beth oedd agwedd y siop ar ôl y digwyddiad blaenorol,” meddai Elfed Gruffydd wrth golwg360.

“Mi ges i sgwrs gyda’r rheolwr a dweud wrthi am y bathodynnau bach a gofyn a fasa nhw’n falch o’u cael nhw gan fod dwy ran o dair o staff y siop yn siarad Cymraeg.”

Ond, meddai Elfed Gruffydd wedyn, er i reolwr y siop ym Mhwllheli gytuno, pan ddychwelodd gyda naw o fathodynnau ar gyfer y staff, cafodd wybod nad oedd y brif swyddfa yn fodlon i’r staff Cymraeg eu gwisgo.

“Yr ateb ges i oedd fod y cwmni yn gwrthod caniatáu i’r staff wisgo’r bathodynnau,” meddai. “Mi o’n i’n siomedig iawn.”

Mae golwg360 yn dal i ddisgwyl am ymateb gan brif swyddfa The Original Factory Shop.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer