Hanes Cymru ar y cwricwlwm newydd yn “fater o ddehongliad”

Diweddarwyd am  

Llun: CC0

Mae’n destun tristwch a rhwystredigaeth i’r hanesydd Elin Jones nad yw cwricwlwm newydd Cymru yn dweud yn bendant fod angen dysgu Hanes Cymru yn y gwersi yr ochr yma i Glawdd Offa.

“Mater o ddehongliad” fydd cynnwys enghreifftiau o ddigwyddiadau a chymeriadau sy’n dod â’r pwnc yn fyw ac yn berthnasol i ddisgyblion, meddai.

“Mae disgyblion yn cael dysgu  am Natsïaeth a’r Ail Ryfel Byd, maen nhw’n dysgu am y Rhufeiniaid, fel tase yna ddim hanes yng Nghymru cyn hynny,” meddai wrth ateb cwestiynau’r gynulleidfa ar ddiwedd ei Darlith Dydd Glyn Dŵr yn Galeri yr wythnos hon (nos Lun, Medi 16).

“Yr unig beth allwn ni wneud yw ymddiried yn athrawon Cymru, ac ymddiried ym mhobol Cymru, fell y rhai a all berswadio eu Aelodau Cynulliad i ddwyn pwysau i greu newid. Mae angen ysgrifennu, fel bod yr Ysgrifennydd Addysg ym Mae Caerdydd yn cymryd sylw o’r dystiolaeth o deimlad pobol.

“Mae angen gwneud yn siwr nad yw hi’n bosib astudio hanes yng Nghymru, heb gyfeirio at yr Eisteddfod Genedlaethol, y gynghanedd, cerdd dant, yr iaith Gymraeg a’r holl bethau sy’n rhan o shwt y mae’r genedl yn eu defnyddio i fynegi ei hun,” meddai eto.

“Shwt allech chi feddwl am astudio hanes Cymru, heb drafod y pethe hyn sy’n ddathliadau mor fywiog o pwy yden ni, fel cenedl?”

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones