Mudiad annibyniaeth yn gofyn, a oes angen prifddinas ar Gymru?

Diweddarwyd am  

Canol y ddinas, Caerdydd

Llun: CC0

Mae aelodau o fudiad sy’n ymgyrchu am annibyniaeth i Gymru wedi bod yn dadlau ynghylch y cwestiwn – “Oes angen prifddinas ar Gymru o gwbl?” Yn ôl Harvey Waveney mewn erthygl ar wefan grŵp Undod, fe ofynnwyd y cwestiwn “syml” gan Elin Hywel o Gwmni Bro Ffestiniog mewn digwyddiad anffurfiol a gynhaliwyd wedi’r orymdaith annibyniaeth ym Merthyr Tudful ar Fedi 7.

Ac wrth bendroni ynghylch y cwestiwn, dywed y blogiwr ei fod hefyd “yn un mor radical gan ei fod yn ein gorfodi i gwestiynu rhai o’n rhagdybiaethau mwyaf elfennol am beth yw cenedl.”

“Ydyn ni eisiau Cymru lle mae grym gwleidyddol mor ddibynnol ar un ddinas?” meddai Harvey Waveney yn ei lith.

“Ni ŵyr Llundain beth sydd orau i Flaenau Ffestiniog, Abertawe neu’r Rhyl – ac ni ŵyr Caerdydd chwaith.

“Un o’r prif gwynion sydd gan bobol am y llywodraeth yw ei bod yn bell, ynysig ac nad oes ots ganddi am anghenion a dyheadau lleol.”

Oes angen prifddinas ar Gymru o gwbl?

Mwy o rym i gymunedau

Mae Harvey Waveney yn dadlau y gallai “llechen lân annibyniaeth” arwain at rym yn cael ei rannu ar lawr gwlad, gan droi “pob cymuned [yn] brif sylfeini ein democratiaeth”.

“Nid oes rhaid i hyn olygu encilio i blwyfoldeb lleol – i’r gwrthwyneb,” meddai. “Drwy barchu hunanlywodraeth leol, gallwn ni gydweithio ar delerau mwy cyfartal.

“Mi allai cynulliadau lleol gonffederaleiddio i fyny i’r lefel tref, dinas, rhanbarthol a chenedlaethol er mwyn gweithio ar brosiectau isadeiledd, polisi tramor, cydlynu polisi domestig cenedlaethol a thynnu ynghyd adnoddau er mwyn gwella ardaloedd tlotach.

“Yn aml, cyfeirir at Gymru fel ‘cymuned o gymunedau’. Dylai ein gwleidyddiaeth adlewyrchu hynny.

“Mae hyd yn oed dadl i’w gwneud bod profiad canoli grym y ganrif neu ddwy ddiwethaf yn estron i fywyd gwleidyddol ehangach ein cenedl.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer