Cymraes yn cyhuddo’r mudiad annibyniaeth o fod yn hiliol

Diweddarwyd  

Cychwyn yr orymdaith ym Merthyr, dydd Sadwrn 7 Medi 2019

Llun: Golwg360

Mae Yasmin Begum, oedd i fod ymhlith y siaradwyr yn yr orymdaith ym Merthyr ddydd Sadwrn, yn cyhuddo’r mudiad annibyniaeth yng Nghymru o fod yn “hiliol”.

Doedd y Gymraes, sydd o dras Bacistanaidd, ddim wedi gallu cyrraedd y dref oherwydd fod y trenau wedi’u gorlenwi.

Roedd 5,200 o bobol yn yr orymdaith, yn ôl ffigurau’r trefnwyr.

“Fe fu bron i fi siarad yn @AUOBCymru ond wnes i ddim, ac yna roedd rhywun oedd yn agos i un o’r trefnwyr yn hiliol tuag ata’ i,” meddai mewn neges ar ei thudalen Twitter.

“Nawr dw i wedi darganfod fod grŵp Natsïaidd wedi ceisio treiddio i mewn i’r grŵp.”

‘Bygythiad o Natsïaeth’

Mewn neges arall, mae’n beirniadu Pawb Dan Un Faner, prif drefnwyr yr orymdaith, am iddyn nhw “fethu ag anfon e-bost o amgylch am unrhyw fygythiadau Natsïaidd”, cyn mynd yn ei blaen i ofyn “pam trafferthu? Roedd un ohonyn nhw’n hiliol tuag ata’ i.”

Mae hi’n cwestiynu pa mor ddiogel fyddai’r orymdaith iddi pe bai “Natsïaid” yno, a pham fod cyn lleied o arweinwyr y mudiad annibyniaeth yn dod o gefndiroedd lleiafrifol, gan ddweud bod hynny’n arwain at “ddiffyg cydraddoldeb”.

Mae’n dweud ei bod hi wedi cysylltu â’r aelod o fudiad Pawb Dan Un Faner mae’n ei chyhuddo o fod yn hiliol, yn ogystal ag unigolyn arall, ond bod y ddau yn ei “hanwybyddu” ac wedi ei blocio hi ar y cyfryngau cymdeithasol.

Yes Cymru yn ‘anghytuno â’i dadansoddiad’

Wrth siarad â golwg360, mae Siôn Jobbins, cadeirydd Yes Cymru ac un o gyd-drefnwyr y digwyddiadau ym Merthyr, yn dweud ei fod yn “anghytuno â dadansoddiad” Yasmin Begum ynghylch y croeso iddi yn y mudiad.

“Mae’n un o’r bobol sydd wedi bod ynghlwm ers y dechrau yn y gorymdeithiau.

“Mae ganddi gyfraniad pwysig i’w wneud, ac rydym yn edrych ymlaen at glywed ei chyfraniadau yn y dyfodol.”

 

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer