Liz Saville Roberts yn barod i uchelgyhuddo Boris Johnson

Diweddarwyd am  

Liz Saville Roberts AS

Llun: Chris McAndrew CC2.0 trwy Gomin Wicimedia

Mae Liz Saville Roberts, arweinydd Plaid Cymru yn San Steffan, yn dweud bod rhaid paratoi i uchelgyhuddo Boris Johnson os yw’n torri’r gyfraith tros Brexit.

Mae adroddiadau y gallai prif weinidog Prydain lanio yn y Goruchaf Lys pe bai’n ceisio anwybyddu deddfwriaeth sydd ar y gweill i geisio atal Brexit heb gytundeb.

Mae’r ddeddfwriaeth yn mynnu bod y dyddiad terfynol ar gyfer ymadael â’r Undeb Ewropeaidd yn cael ei ymestyn i fis Ionawr 2020.

Mae disgwyl iddi gael sêl bendith y Frenhines yr wythnos hon, ond mae Boris Johnson yn bygwth anwybyddu’r amodau gan wthio am gadw’r opsiwn o adael heb gytundeb ar agor cyn uwchgynhadledd Cyngor Ewrop ar Hydref 17.

Mae Boris Johnson yn dweud y byddai’n well ganddo fod yn “farw mewn ffos” na gofyn i’r Undeb Ewropeaidd am estyniad y tu hwnt i Hydref 31.

‘Tarw tryfal trwy’r cyfansoddiad’

Mae Liz Saville Roberts yn tynnu sylw at sylwadau Boris Johnson yn 2004 pan oedd e o blaid uchelgyhuddo Tony Blair, y prif weinidog ar y pryd, tros ryfel Irac.

Adam Price, arweinydd Plaid Cymru, wnaeth y gwaith paratoi wrth lunio dogfen ar droseddau rhyfel yn ymwneud ag Irac.

“Mae Boris Johnson eisoes wedi gyrru tarw tryfal drwy’r cyfansoddiad, felly dydi syniadau megis uchelgyhuddo ddim bellach yn gwbl anghyffredin,” meddai Liz Saville Roberts.

“Mi ddyweda i wrth arweinwyr y gwrthbleidiau eraill fod angen i ni fod yn barod i uchelgyhuddo Boris Johnson os ydi o’n torri’r gyfraith.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer