Cyhuddo 15 o bobl wedi cyrch cyffuriau

Diweddarwyd  

Mae 15 o bobl wedi cael eu cyhuddo o droseddau’n ymwneud â gwerthu cyffuriau ar ôl cyrch o dan arweiniad Heddlu Gogledd Cymru dros y dyddiau diwethaf.

Fe fydd y 12 dyn a’r 3 merch yn ymddangos gerbron ynadon yn yr Wyddgrug ac yn Llandudno y bore yma, lle bydd yr heddlu’n gwneud cais i’w cadw yn y ddalfa.

Mae dau o’r dynion wedi cael eu cyhuddo hefyd o gynllwynio i achosi niwed corfforol difrifol.

Fe fu dros 300 o blismyn yn chwilio 24 o leoliadau yng ngogledd Cymru, Glannau Mersi a’r Alban i geisio dal rhai sy’n gyfrifol am gynhyrchu, dosbarthu a chyflenwi cyffuriau anghyfreithlon.

Roedden nhw’n canolbwyntio’n benodol ar bobl sydd o dan amheuaeth o fod yn rhan o’r ‘County Lines’ ac o ymwneud â throseddu difrifol dros ardaloedd eang.

Roedd 16 wedi cael eu harestio ddydd Iau a chafodd 15 eu cyhuddo neithiwr wedi cyfres o gyfweliadau.

Fe fydd wyth o’r 15 yn ymddangos gerbron ynadon yr Wyddgrug, a’r saith arall gerbron ynadon Llandudno.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones