Tafarn sy’n dwyn enw Penderyn “ddim yn gwybod am y rali”

 

Llun: CC0

Doedd y dafarn ar brif sgwâr Merthyr Tudful – sydd wedi’i henwi ar ôl Dic Penderyn – ddim yn gwybod y byddai rali annibyniaeth yn dod i’r dref tan ddoe (dydd Mercher, Medi 4).

Mae disgwyl i orymdeithwyr a’u baneri a’u hofferynnau deithio i Ferthyr o bob cwr i Gymru, ar gyfer y drydedd rali eleni gan YES Cymru a AUOB (Pawb o Dan yr Un Faner).

Ac er bod plac ar y wal y tu mewn i Y Dic Penderyn ar y Stryd Fawr – dafliad carreg o lle bydd y dyrfa ddydd Sadwrn yn ymgynnull i wrando ar areithiau a negeseuon dros annibyniaeth – doedd y dafarn ei hun yn deall dim am y bobol ychwanegol fydd yn ymweld â’r dref.

Rhwng gêm bêl-droed Cymru nos Wener (Medi 6) a gêm rygbi Cymru ddydd Sadwrn (Medi 7), fe fydd tipyn o giwiau eisoes wrth y bar.

“R’yn ni’n disgwyl penwythnos prysur, ond d’yn ni ddim wedi archebu mwy o gwrw, a does dim bwriad rhoi prydau arbennig ar y bwrdd sbeshals,” meddai llefarydd ar ran Wetherspoon, sydd piau’r Dic Penderyn.

“Ond fe fydd gyda ni fwy o staff diogelwch ar y drysau.”

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer