Cobiau Cymreig yn agos iawn at galon actor a chyn-reolwr gwasg

Diweddarwyd  

Meirion Davies

Llun: Cymdeithas Merlod a Chobiau Cymreig

Mae ysgrifennydd newydd Cymdeithas Merlod a Chobiau Cymreig wrth ei fodd ar ôl cael swydd sy’n “agos iawn” at ei galon. 

Fe fydd Meirion Davies, a fu’n Bennaeth Cyhoeddi gyda gwasg Gomer am dair blynedd, yn dechrau yn ei swydd newydd ddechrau Hydref.

Cyn hynny roedd yn gyn-Bennaeth Cynnwys S4C ond yn fwyaf adnabyddus am bortreadu un o’r dysgwyr yn ‘Y Ddau Frank’ ochr yn ochr â’r actor Rhys Ifans.

Mae’r Gymdeithas yn hyrwyddo bridio a chynnal safon merlod a bridiau Cymreig. Mae’n gyfrifol am gofrestru, trwyddedu, trosglwyddo perchnogaeth ac allforion. Mae Meirion Davies ei hun wedi bod yn aelod ers yr oedd yn saith mlwydd oed. 

Magu

“Mae fy rhieni yn eu magu nhw, a Richard, fy mhartner,” meddai Meirion Davies wrth golwg360. “Mae’r Gymdeithas yn un wy’n ei hedmygu’n fawr. Mae’n swydd gyffrous ac wy’n edrych ymlaen i ymuno â’r tîm.

“Mae cael cyfle bob awr o’r dydd i fod yn ymwneud â’r cobiau yn ormod o atyniad i mi,” meddai wedyn.

“Wy wedi bod yn delio gyda’r cobiau ar hyd fy mywyd. Fy rôl i fydd hyrwyddo a marchnata brand y gymdeithas. Mae delwedd pen poni cob neu poni mynydd yn dweud cyfrolau.

“Mae cryfder llinach y bridiau yn deyrnged i’n hen deidiau ni.”

Mae gan y Gymdeithas dros 5,500 o aelodau ledled y byd. 

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones