Adam Price yn galw am ddileu Erthygl 50 os na fydd ail refferendwm

 
Adam Price

Adam Price

Llun gan swyddfa Adam Price

Dylid dileu Erthygl 50 os na fydd ail refferendwm yn cael ei gynnal ar ymadawiad Prydain â’r Undeb Ewropeaidd, yn ôl Adam Price, arweinydd Plaid Cymru.

Mae’n galw am “opsiwn niwclear” i anghydfod sy’n hollti barn gwleidyddion gwledydd Prydain yn San Steffan, ac sydd wedi gweld y Senedd yn cael ei phrorogio.

Daw sylwadau Adam Price mewn erthygl yn y Sunday Times, lle mae’n galw ar y rhai sydd o blaid aros yn yr Undeb Ewropeaidd i frwydro, am fod ganddyn nhw’r “opsiwn niwclear” o gynnal ail refferendwm.

Mae’n galw dileu Erthygl 50 yn “gortyn argyfwng y mae angen i ni fod yn barod i’w dynnu”, gan ddweud y byddai Brexit yn achosi sefyllfa “wenfflam”.

Cynnig brys

Mae Adam Price hefyd yn dweud bod Plaid Cymru yn San Steffan yn paratoi i gyflwyno cynnig brys ar y mater.

Pe bai’n cael sêl bendith y pwyllgor gwaith, fe fyddai’r blaid yn amlinellu ei chefnogaeth i aros yn rhan o’r Undeb Ewropeaidd a dileu Erthygl 50.

Byddai’r cynnig wedyn yn mynd at Gynhadledd Hydref y blaid.

“Does dim diben taflu’r llyfr rheolau at y rhai sydd mewn grym oherwydd maen nhw’n creu’r rheolau wrth fynd yn eu blaenau,” meddai Adam Price.

“Mae angen i ni feddwl am ddatrysiadau a fydd yn arwain at ganlyniadau pendant.

“Os caiff pleidleiswyr eu hamddifadu o’r gair olaf ar ganlyniad Brexit trwy refferendwm, yna rhaid i ni fod yn barod i ddileu Erthygl 50.

“Wrth wynebu realiti caled ynghylch pwy a beth ry’n ni yn eu herbyn, rhaid i’r arhoswyr fod ag opsiwn niwclear i gwympo’n ôl arno os daw’n glir y bydd llais cyhoeddus trwy refferendwm yn cael ei wrthod.

“Gall y Deyrnas Unedig ddileu ei bwriad i dynnu’n ôl o’r Undeb Ewropeaidd o un ochr, ac mae’n gortyn brys y mae angen i ni fod yn barod i’w dynnu wrth wynebu’r sefyllfa wenfflam y byddai ymadawiad Brexit yn ei achosi.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones