Liz Saville Roberts yn brolio parc carafanau yn y Bala

Diweddarwyd  

Liz Saville Roberts AS

Llun: Chris McAndrew CC2.0 trwy Gomin Wicimedia

Mae Aelod Seneddol Dwyfor Meirionnydd wedi canmol cyfraniad parc carafanau i economi ardal Meirionydd, wrth iddi agor derbynfa newydd ym Mharc Carafanau Pen-y-Garth, y Bala.

Mae’r maes carafanau yn fusnes teuluol ac yn rhan o gwmni Parciau Gwyliau’r Bala, sy’n eiddo i ŵr a gwraig, sef Gareth a Sioned Williams.

Am 19 mlynedd yn olynol, mae’r busnes wedi ennill gwobr David Bellamy am gadwraeth. Mae hefyd wedi cipio gwobr ‘parc gorau yng Nghymru’.

Mae’r teulu yn berchen ar bedwar parc tebyg yn ardal y Bala.

Ysgogi’r sector twristiaeth

Yn ôl Liz Saville Roberts, mae “buddsoddiad parhaus” mewn datblygiadau fel Pen-y-Garth yn ysgogiad i’r sector twristiaeth yn ardal Dwyfor Meirionnydd.

“Mae effaith ganlyniadol parc gwyliau llwyddiannus fel Pen-y-Garth, o ran creu swyddi a buddsoddi yn yr ardal, yn arwyddocaol iawn,” meddai.

“Mae cyfleusterau twristiaeth a pharciau gwyliau lleol yn gwneud cyfraniad sylweddol i’r ardal, gan greu cannoedd o swyddi tra’n hyrwyddo harddwch Eryri.

“Roeddwn yn ddiolchgar o’r cyfle i drafod pwysigrwydd y sector twristiaeth leol a sut orau i fanteisio ar y budd a ddaw yn ei sgil i gymunedau lleol ac economi ehangach Cymru.

“Mae hwn yn fuddsoddiad i’w groesawu yn niwydiant twristiaeth ffyniannus Meirionnydd, ac rwy’n canmol teulu Williams am eu gweledigaeth a’u hymrwymiad parhaus i’r economi leol, gan ddod o hyd i ffyrdd arloesol newydd o gynyddu refeniw twristiaeth i’r eithaf.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer