“Dw i wedi mwynhau’r frwydr” – Cymro yn arwain Triathlon Cymru

Diweddarwyd am  
Liam Lloyd

Liam Lloyd

Llun S4C

Mae pencampwriaeth ryngwladol Triathlon Cymru yn ymweld â’r Gŵyr yfory a Chymro o Lanelli sydd ar y blaen.

Eisoes mae Liam Lloyd wedi ennill tair o’r pedair ras sydd wedi bod hyd yma, gan gynnwys ras Triathlon Llanelli yn ei filltir sgwâr ym mis Mai.

Ond mae Chris Silver yn dynn ar ei sodlau, a bydd angen buddugoliaeth arall er mwyn cadw ar y blaen.

“Dw i wedi mwynhau’r frwydr yn ystod y gyfres hon ac mae’r cyfan yn dibynnu ar sut mae Chris a finnau’n gorffen yn y ddwy ras olaf,” meddai Liam Lloyd, a orffennodd yn bedwerydd ym Mhencampwriaeth Duathlon y Byd eleni.

“Mae’n debyg mai’r Gŵyr fydd ras anodda’r gyfres. Mae’n hirach na’r gweddill ond mae’n lleoliad gwych ar gyfer triathlon.

“Roedd rhywun yn dweud wrtha i yn ddiweddar mai hon oedd un o’r rasus triathlon cyntaf i gael ei chynnal yng Nghymru. Felly mae’r elfen hanesyddol yn rhoi teimlad arbennig i’r ras…

“Dw i’n anelu i bennu’r gyfres gyda dwy fuddugoliaeth ac mi ddylai hynny fod yn ddigon da i ennill y bencampwriaeth, beth bynnag mae pawb arall yn gwneud.”

Ras y merched

Mae ras y merched i’w weld yn fwy agored yn enwedig gan fod yr arweinydd presennol, Rhian Roxburgh, yn cymryd seibiant y penwythnos hwn, gan obeithio selio’r bencampwriaeth yn ras olaf y gyfres mewn tair wythnos, sef Triathlon Llanc y Tywod ar draeth Niwbwrch.

Mae ei habsenoldeb yn rhoi cyfle i’w chyd-gystadleuwyr i gau’r bwlch, gan gynnwys Florence Swan a Rhiannon Middleton, sy’n ail ag yn drydydd, a Hannah Munday, sy’n dychwelyd wedi gwella o anaf ar ôl ennill dwy ras gyntaf y gyfres.

Uchafbwyntiau Triathlon y Gŵyr ar S4C nos Wener nesaf am 8.30 y nos.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones