Heddlu’r Gogledd yn penodi mwy o swyddogion gwledig

Diweddarwyd am  

Beic modur cwad ar fferm

Llun: Golwg360

Bydd tri heddwas ychwanegol yn ymuno â thîm arbennig sy’n arbenigo mewn troseddau gwledig yn y gogledd.

Mae hynny’n golygu y bydd niferoedd y tasglu o dan arweiniad y rheolwr, Rob Taylor, yn cynyddu i gyfanswm o 11 swyddog.

Yn ôl Comisiynydd Heddlu a Throsedd Gogledd Cymru, Arfon Jones, mae angen tîm o’r fath yn y gogledd gan ei bod yn “ardal wledig enfawr”.

Bydd un o’r swyddogion newydd yn gyfrifol am blismona ardal Meirionnydd a’r ffin â Dyfed-Powys, meddai wedyn.

Angen mwy o gapasiti

“Er ein bod yn llwyddiannus iawn wrth dargedu’r troseddwyr sy’n cyflawni ystod o droseddau o rwydo moch daear i ddwyn tractorau, beiciau cwad a da byw, rydym yn teimlo bod angen mwy o gapasiti arnom,” meddai.

“Mae hwn yn faes lle mae Gogledd Cymru yn arwain y ffordd ac mae’r tîm dan arweiniad Rob Taylor yn gwneud gwaith gwych ac yn cael ei gydnabod am y ffordd y maen nhw’n delio efo troseddau gwledig a materion bywyd gwyllt… mae’n hanfodol i ni barhau i’w cefnogi.”

“Newyddion rhagorol” i ffermwyr

Mae Llywydd Undeb Amaethwyr Cymru wedi croesawu’r cyhoeddiad.

“Bob blwyddyn mae troseddau gwledig yn costio miliynau o bunnoedd ac yn achosi pryder ofnadwy i ffermwyr a busnesau gwledig,” meddai Glyn Roberts.

“Mae Heddlu Gogledd Cymru wedi bod yn arwain y ffordd wrth sicrhau bod troseddu yng nghefn gwlad yn llai deniadol i ddrwgweithredwyr.

“Mae’r ffaith y bydd y tîm troseddau gwledig bellach yn dyblu mewn maint, oherwydd cynnydd mewn cyllid, yn newyddion rhagorol.”

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer