Achub blodau Tegeirian y Fign Galchog yng Nghymru

 
Tegeirian y Fign Galchog (Fen Orchid)

Tegeirian y Fign Galchog (Fen Orchid)

Llun: Flickr Len Worthington

Mae blodyn prin wedi cael ei achub rhag mynd yn angof, diolch i ymdrechion Gwarchodfa Natur Genedlaethol Cynffig ger Pen-y-bont ar Ogwr.

Mae blodyn Tegeirian y Fign Galchog (Fen Orchid) ymhlith y blodau sy’n wynebu’r bygythiad mwyaf yn Ewrop.

Dim ond mewn dau le yng ngwledydd Prydain mae modd ei weld yn tyfu, sef Cynffig a’r Norfolk Broads, ond dim ond 1,400 ohonyn nhw sydd i’w gweld yn y ddau le gyda’i gilydd.

Roedd y blodau i’w gweld mewn wyth lle yn ne Cymru ar un adeg, ond oherwydd tyfiant a diffyg gwaith cadw trefn arnyn nhw, cafodd y blodau eu gorchfygu.

Fe fu bron iddyn nhw ddiflannu’n llwyr o’r de, ac fe gwympodd y niferoedd yn ardal Cynffig o 21,000 ar ddiwedd y 1980au i 400 yn 2011.

Ond ym mis Gorffennaf, cafodd dros 4,000 ohonyn nhw eu cyfri – y nifer fwyaf ers ugain mlynedd.

“Nid yn unig mae’r canlyniad hwn yn newyddion da i Gynffig, ond hefyd i ardaloedd twyni eraill fel Whiteford a Phen-bre, lle gallwn ni gyflwyno rheolaeth debyg yn y gobaith o ddod â Thegeirian y Fign Galchog yn ei hôl,” meddai Colin Cheesman o Plantlife, oedd yn gyfrifol am arwain y gwaith yng Nghymru.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer