Tafarn o Gymru ar restr fer gwobr ‘Tafarn y Flwyddyn’ gwledydd Prydain

Diweddarwyd am  

Llun: CC0

Mae perchennog tafarn yn Sir Gaerfyrddin yn “browd iawn” o fod wedi cyrraedd rhestr fer gwobr ‘Tafarn y Flwyddyn’.

Bellach mae’r Ymgyrch Tros Gwrw Go Iawn (CAMRA) wedi enwi 16 tafarn o’r Deyrnas Unedig sy’n deilwng, a’r unig dafarn o Gymry sydd ar y rhestr yw’r Mansel Arms ym Mhorthyrhyd.

Mae Gemma Bennetts yn rhedeg y dafarn â’i gŵr Glyn Bennetts,  ac mae hi’n dweud ei bod wedi “cyffroi” a bod yr holl beth yn “rhyfeddol”.

Tafarndai ag “atmosffer croesawgar” a “chwrw go iawn” sydd ar y rhestr, yn ôl CAMRA, ac mae’r perchennog yn teimlo bod ganddyn nhw gyfuniad perffaith o’r ddau.

“Mae gennym gymuned glos yma yn y dafarn, ac rydych yn cael y teimlad wrth gerdded trwy’r drws bod pawb yn gyfeillgar ac yn barod i sgwrsio,” meddai wrth golwg360.

“Mae llawer yn ein canmol am y cwrw a’r amrywiaeth sydd gennym ni. Rydym wedi bod yma am ychydig dros flwyddyn, ac rydym wedi darparu bron i 140 o fathau gwahanol o gwrw.”

“Tipyn o hanes”

Hen “coaching inn” o’r 18fed ganrif yw’r Mansel Arms, yn ôl Gemma Bennetts, ac mae’n dweud bod “tipyn o hanes i’r adeilad”.

Bydd enillydd y wobr yn cael ei gyhoeddi ym mis Chwefror flwyddyn nesaf.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer