Penodi Jane Dodds yn llefarydd y Rhyddfrydwyr ar fwyd, amaeth a Chymru

Diweddarwyd am  
Arweinydd newydd yn gwenu

Jane Dodds

Llun oddi ar wefan Democratiaid Rhyddfrydol Sir Drefaldwyn

Mae unig Aelod Seneddol y Democratiaid Rhyddfrydol yng Nghymru, Jane Dodds, wedi cael ei phenodi’n llefarydd y blaid ar fwyd, materion gwledig a Chymru yn San Steffan.

Fe gafodd Jane Dodds ei hethol yn aelod tros Frycheiniog a Sir Faesyfed mewn isetholiad ar Awst 1, gan gipio’r sedd oddi ar y Ceidwadwr, Chris Davies.

Mae wedi dod yn rhan o dîm seneddol y Democratiaid Rhyddfrydol yn swyddogol wrth i’r arweinydd newydd, Jo Swinson, gyflwyno newidiadau.

Mae’r cyn-Aelod Seneddol Llafur, Chuka Umunna, bellach yn llefarydd ar faterion tramor, masnach ryngwladol a datblygu rhyngwladol, tra bo cyn-arweinydd y blaid, Vince Cable, yn llefarydd ar iechyd a gofal cymdeithasol.

Mae Ed Davey wedyn, sef gwrthwynebydd Jo Swinson yn y ras arweinyddiaeth, wedi ei benodi’n llefarydd ar y Trysorlys a busnes.

Y tîm

o Jo Swinson – arweinydd;

o Chuka Umunna – materion tramor, masnach ryngwladol a datblygu rhyngwladol;

o Christine Jardine – materion cartref, cyfiawnder, merched a chydraddoldeb;

o Tom Brake – Brexit;

o Jamie Stone – amddiffyn a’r Alban;

o Vince Cable – iechyd a gofal cymdeithasol;

o Layla Moran – addysg a diwylliant;

o Wera Hobhouse – yr hinsawdd, yr amgylchedd a thrafnidiaeth;

o Tim Farron – tai, llywodraeth leol, gwaith a phensiynau;

o Alistair Carmichael – prif chwip a Gogledd Iwerddon;

o Jane Dodds – bwyd, materion gwledig a Chymru

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer