Dŵr Cymru yn gosod targed ar gyfer ei wasanaethau Cymraeg

Diweddarwyd  

Llun parth cyhoeddus CC0

Mae Dŵr Cymru wedi cyhoeddi cynlluniau i gynyddu nifer y cwsmeriaid sy’n defnyddio ei wasanaethau Cymraeg.

Yn ôl y cwmni dielw, mae 6,500 o’i gwsmeriaid wedi cofrestru ar gyfer defnyddio gwasanaethau o’r fath ar hyn o bryd, ond y nod yw cynyddu’r rhif hwnnw i 25,000 erbyn 2025.

Mae Dŵr Cymru yn cynnig “amrywiaeth o wasanaethau dwyieithog”, meddai, sy’n cynnwys canolfan gyswllt ar gyfer y Gymraeg, gwefan ddwyieithog, yn ogystal â sianeli cyfryngau cymdeithasol a chyfleuster sgwrsio ar-lein.

Mae’r cwmni hefyd yn honni mai dyma’r tro cyntaf i darged o’r fath gael ei osod yn y sector preifat yng Nghymru.

“Mwy na gwasanaeth yn unig”

“Fel cwmni di-elw sy’n canolbwyntio ar fodloni disgwyliadau ein cwsmeriaid a rhagori arnyn nhw, rydym ni’n chwilio’n barhaus am ffyrdd o wella’r gwasanaeth a gynigir gennym,” meddai Prif Weithredwr Dŵr Cymru, Chris Jones.

“Mae’r gwasanaethau Cymraeg a gynigir gennym yn rhan annatod o hyn ac ers i ni fod yn gwmni dielw, rydym ni wedi buddsoddi’n sylweddol mewn cynyddu amrywiaeth y gwasanaethau sydd ar gael yn y Gymraeg.

“Ond mae’n bwysig ein bod ni’n gwneud mwy na chynnig y gwasanaeth yn unig – mae’n rhaid inni wneud popeth yn ein gallu i sicrhau ein bod yn cael cymaint o siaradwyr Cymraeg ag sy’n bosib i ddefnyddio’r gwasanaeth, gan ein bod ni’n gwybod bod galw amdano.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer