Prifysgol Aberystwyth yn rhoi rhybudd i staff cwmni cyhoeddi

Diweddarwyd  

Llun: CC0

Mae Prifysgol Aberystwyth yn dweud eu bod nhw’n ystyried dod â chwmni cyhoeddi, sy’n creu adnoddau addysgiadol ar gyfer ysgolion, i ben – gan ddiswyddo pedwar o bobol yn y broses.

Mae CAA Cymru, sy’n gwmni o fewn y brifysgol, wedi bod yn cynhyrchu gwerslyfrau, pecynnau aml-gyfrwng a deunydd digidol yn Gymraeg a Saesneg ers dros 30 mlynedd.

Ond yn ôl Prifysgol Aberystwyth, mae cystadleuaeth o fewn y farchnad cyhoeddi adnoddau addysg bellach wedi “newid yn sylweddol”, gyda mwy o gwmnïau yn cystadlu “ar gyfer llai o gomisiynau”.

Mae golwg360 yn deall i staff dderbyn llythyr yr wythnos ddiwethaf yn dweud bod y cwmni’n dod i ben yn ddiweddarach eleni. Er i’r wefan hon gysylltu ag aelodau staff, roedden nhw dan rybudd i beidio â siarad â’r wasg am y datblygiadau.

“Yn yr hinsawdd heriol hwn, mae’r Brifysgol wedi gwneud y penderfyniad anodd i ymgynghori â staff ynghylch dirwyn gwaith CAA i ben, gyda’r posibilrwydd o golli pedair swydd,” meddai llefarydd ar ran y brifysgol.

“Yn sgil ehangu’r sector cyhoeddi adnoddau addysg a’r twf yn nifer y cwmnïau yn y maes, ni ddylai’r penderfyniad effeithio ar allu’r sector yn gyffredinol i ddiwallu’r galw am adnoddau.”

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones