Teulu o’r Almaen yn siarad Cymraeg “bob dydd” ers symud i’r Barri

Diweddarwyd  

Y teulu’n canu

Mae dau gerddor a wnaeth gyfarfod â’i gilydd yn y brifysgol yn Yr Almaen, yn dweud eu bod nhw’n siarad Cymraeg â’i gilydd “bob dydd” ers symud i’r Barri.

Roedd Sonia a Mathias Maurer yn fyfyrwyr yng Ngholeg Cerdd Saarbruecken, ac fe benderfynon nhw symud i’r Barri ar ôl i rieni Sonia, sy’n wreiddiol o Gymru, ddychwelyd i’r ardal.

Ers ymgartrefu yn yr ardal, mae’r teulu, gan gynnwys tad Sonia – Bernard Van Lierop – wedi bod yn dysgu Cymraeg drwy gyfrwng y gwasanaeth ar-lein, Say Something in Welsh, a chyrsiau gan y Ganolfan Dysgu Cymraeg Genedlaethol a Chyngor Bro Morgannwg.

Erbyn hyn, mae Sonia a Mathias Maurer yn anfon eu plant i ysgolion cyfrwng Cymraeg lleol, gyda Steffi, 12, yn mynychu Ysgol Gyfun Bro Morgannwg, ac Annabel, 9, yn mynychu Ysgol Gynradd Sant Baruc.

Cerddoriaeth a’r Gymraeg

Mae’r teulu hefyd yn sicrhau bod y Gymraeg yn rhan o’i diddordeb mewn cerddoriaeth, gyda’r pump ohonyn nhw’n chwarae’r ukelele mewn band o’r enw Y Sanau Drewllyd.

Mae Annabel hefyd yn canu’r delyn, ac enillodd Steffi y wobr gyntaf am ganu’r unawd gitâr yn Eisteddfod yr Urdd yn 2018. Mae’r ddau hefyd wedi manteisio ar fod yn aelodau o Gwmni Opera Genedlaethol Cymru.

“Rydyn ni’n siarad Cymraeg bob dydd fel teulu, yn ogystal â Saesneg ac ychydig o Almaeneg,” meddai Sonia Mathias.

“Gan fy mod i a Mathias yn siarad Cymraeg yn rhugl bellach, mae’n braf nad oes gan y plant iaith gyfrinachol eu hunain.

“Wrth ymweld â’r Almaen, rydyn ni’n cael llawer o hwyl yn siarad Cymraeg achos does neb yn gwybod o ble rydyn ni’n dod!”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer