Galw am “gabinet brys” o fenywod i atal Brexit heb gytundeb

Diweddarwyd am  
San Steffan

Palas Westminster

Llun: Comin Wicimedia

Mae Aelod Seneddol y Blaid Werdd, Caroline Lucas, yn galw ar wleidyddion benywaidd i ddod at ei gilydd i geisio atal Brexit heb gytundeb.

Mae Caroline Lucas wedi ysgrifennu at 10 o wleidyddion benywaidd, gan gynnwys Liz Saville Roberts o Blaid Cymru, sy’n gwrthwynebu gadael yr Undeb Ewropeaidd heb gytundeb i greu “cabinet brys.”

Dywed mai’r targed fyddai sicrhau pleidlais o ddiffyg hyder yn erbyn Boris Johnson gan ffurfio llywodraeth o undod cenedlaethol.

Ymhlith y menywod mae Caroline Lucas wedi gwahodd mae ysgrifennydd tramor cysgodol Llafur, Emily Thornberry, arweinydd y Democratiaid Rhyddfrydol, Jo Swinson, a Phrif Weinidog yr Alban, Nicola Sturgeon.

“Rydyn ni angen cabinet argyfwng – nid er mwyn ymladd rhyfel Brexit ond i weithio tuag at gymod. Ac rwy’n credu y dylai fod yn gabinet o fenywod,” meddai Caroline Lucas yn The Guardian.

 “Pam menywod? Oherwydd fy mod i’n credu bod menywod wedi dangos eu bod nhw’n gallu dod â phersbectif gwahanol mewn argyfyngau, yn gallu estyn at y rhai maen nhw’n anghytuno â nhw a chydweithredu i ddod o hyd i atebion.”

“Rhaid i lywodraeth o undod cenedlaethol wneud yn union hynny – uno pleidiau. Ac rwy’n credu bod gan gabinet trawsbleidiol o ferched y potensial i wneud hynny.”

Yr Aelodau Seneddol eraill y mae Caroline Lucas yn cysylltu â nhw yw cyn-weinidog cabinet y Torïaid Justine Greening, yr Aelod Seneddol Llafur Yvette Cooper, Kirsty Blackman o’r SNP, Liz Saville Roberts o Blaid Cymru, Anna Soubry o Change UK a’r annibynwyr Heidi Allen a’r Arglwyddes Sylvia Hermon.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones