“Paid â bod ofn siarad Cymraeg” medd Llywydd yr Eisteddfod

Diweddarwyd  
Y newyddiadurwr a'r cyflwynydd, Dylan Jones

Y newyddiadurwr a’r cyflwynydd, Dylan Jones

Llun: Eisteddfod Genedlaethol

Mae un o gyflwynwyr Radio Cymru wedi galw ar bobl i beidio â bod ofn siarad Cymraeg os ydyn nhw’n poeni fod eraill am feirniadu safon eu hiaith.

Yn ei araith ar lwyfan y Brifwyl heddiw (dydd Sadwrn), dywedodd Llywydd Eisteddfod Genedlaethol Sir Conwy – cyflwynydd rhaglen Post Cyntaf Dylan Jones – bod diffyg hyder yn gwneud i rai pobl deimlo bod eu Cymraeg yn rhy wael i gael ei glywed mewn rhaglenni radio a theledu.

Meddai: “Rhywbeth sydd yn fy nhristau i yn fy ngwaith ar adegau ydi pobl sy’n deud nad ydi eu Cymraeg nhw yn ddigon da i neud cyfweliadau ar y radio neu deledu . . . teimlo’n ddihyder rhag ofn iddyn nhw gael eu beirniadu.

‘Ei siarad hi sy’n bwysig’

“Cyfrwng i gyfathrebu yn naturiol ydi iaith nid prawf gramadegol. Ei siarad hi sy’n bwysig.”

Dywedodd Mr Jones, sy’n wreiddiol o Gapel Garmon, Llanrwst, ond sy nawr yn byw gyda’i deulu yn Nyffryn Clwyd, ei bod hi yn bwysig bod rhaglenni newyddion fel Post Cyntaf yn parhau i roi lle i bob math o safbwyntiau.

Ychwanegodd bod cynnwys safbwyntiau amrywiol mewn rhaglenni yn bwysicach fyth pan mae cymaint o bobl yn cael eu newyddion o’r cyfryngau cymdeithasol, ac yn “dewis y safbwyntiau ma’ nhw am eu clywed . . . ac felly yn dewis anwybyddu yr ochor arall yn fwriadol.”

Roedd Mr Jones yn athro hanes a gwleidyddiaeth cyn ymuno â’r BBC. Mae o hefyd yn cyflwyno’r rhaglen bêl-droed Ar y Marc ar foreau Sadwrn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer