Arestio dau ar amheuaeth o ddwyn beic cwad

 
Yr heddlu'n dod o hyd i feiciau cwad wedi eu dwyn mewn eiddo yn ardal Llanwrda

Yr heddlu’n dod hyd i feiciau cwad wedi eu dwyn mewn eiddo yn ardal Llanwrda

Llun Heddlu Dyfed-Powys

Mae dau ddyn wedi cael eu harestio ar amheuaeth o ddwyn beic cwad yn ardal Libanus ym Mhowys.

Roedd yr heddlu yn gwybod bod y beic yn teithio ar ffordd yr A40 i gyfeiriad Llanymddyfri, Sir Gaerfyrddin, o ganlyniad i ddyfais tracio.

Fe wnaeth swyddogion o’r uned ffyrdd ddod o hyd iddo yn cael ei dynnu gan gerbyd ar ffordd yr A482 ger Crugybar.

Cafodd gyrrwr y cerbyd, dyn 32 oed o ardal Llandysul, ei arestio ar amheuaeth o ladrata.

Yn ddiweddarach wedyn, cafodd dyn 34 o ardal Llanwrda, hefyd ei arestio o dan yr un amheuaeth, cyn i’r heddlu ddod o hyd i bedwar beic cwad ychwanegol wrth archwilio eiddo yn yr un ardal.

“Mae’r pum beic bellach wedi cael eu meddiannu ar gyfer profion fforensig,” meddai llefarydd ar ran Heddlu Dyfed-Powys.

“Mae’r ddau ddyn wedi cael eu rhyddhau dan ymchwiliad wrth i ymholiadau’r heddlu barhau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer