Yr iaith Gymraeg yn “saff iawn” yn nwylo Boris Johnson

Diweddarwyd am  

Boris Johnson

Llun: Arlywyddiaeth Estonia CC 2.0 trwy Gomin Wicimedia

Mae Boris Johnson yn “deall sensitifrwydd yr iaith Gymraeg a pham bod yr iaith mor bwysig” yn ôl Ysgrifennydd Gwladol Cymru.

Mae Alun Cairns wedi bod yn siarad gyda chylchgrawn Golwg ar faes y Steddfod yn Llanrwst yr wythnos hon, ac wedi brolio fod ei fos newydd yn gyfaill i’r Gymraeg.

“Mae wedi astudio ieithoedd lleiafrifol yn y brifysgol,” meddai Alun Cairns am Boris Johnson.

“Felly mae’n deall pwysigrwydd magu iaith, datblygu iaith a defnyddio iaith. Felly dw i’n meddwl bod diwylliant Cymru yn saff iawn, ac mewn lle cryf iawn gyda Boris Johnson yn Brif Weinidog.”

Cymro i’r Cairns

Mae Alun Cairns wedi mynnu ei fod yn “Gymro i’r carn” ac wedi gwadu bod ei berthynas â Chymru yn un anodd.

Bu rhai yn ei feirniadu yn hallt am ei ran yn ailenwi un o bontydd Hafren yn ‘Bont Tywysog Charles’.

Ond wrth siarad â chylchgrawn Golwg ar Faes yr Eisteddfod roedd Alun Cairns wedi amddiffyn ei record yng Nghymru, ac yn mynnu bod sawl un yn ei gefnogi – gan gynnwys aelodau Plaid Cymru.

“Mae yna rhai, efallai, yn cwyno,” meddai.

“Ond dw i’n gwbl gyffyrddus. Dw i wedi cael croeso ffantastig yn y Steddfod heddiw. Dw i’n teimlo’n gwbl gyffyrddus. Dw i’n Gymro i’r carn.

“A dw i eisiau defnyddio fy rôl i er mwyn cefnogi Cymru, er mwyn cefnogi’r iaith Gymraeg, ac i gefnogi rôl y Deyrnas Gyfunol er mwyn gweithio dros Gymru.”

Mwy gan Alun Cairns yn y rhifyn estynedig, eisteddfodol o gylchgrawn Golwg

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer