Ymosodiad ar blismon mewn maes parcio yng Nghaerfyrddin

 

Llun: Heddlu

Mae’r heddlu’n diolch i’r cyhoedd ar ôl iddyn nhw helpu heddwas yn ystod ymosodiad yng Nghaerfyrddin echnos (nos Iau, Awst 1).

Cafodd yr heddlu eu galw toc wedi 8.20yh yn dilyn pryderon am les dynes ar ffordd B4312 ger Llangain.

Yn ôl Heddlu Dyfed-Powys, cafodd y car ei weld yn ddiweddarach ar gyrion tref Caerfyrddin wedi’i barcio ym maes parcio Morrisons, Pensarn.

Wrth i’r heddwas siarad â’r ddynes, fe ddechreuodd ei gŵr ei bygwth, cyn gwthio’r heddwas i’r llawr a’i daro yn ei wyneb.

Mae’n debyg ei fod hefyd wedi rhwygo radio, cyffion a chamera corff yr heddwas oddi arno a’u taflu i ganol y ffordd.

Ychwanega’r heddlu fod y ffrwgwd wedi dod i ben ar ôl i ddau aelod o’r cyhoedd ymyrryd a gafael yn yr ymosodwr honedig, cyn i bedwar heddwas arall ei arestio yn y fan a’r lle.

 ‘Diolch’

“Mae heddweision yn mynd i’r gwaith yn ddyddiol er mwyn amddiffyn y cyhoedd, ac yn rhy aml mae’n nhw’n dod yn ddioddefwyr trais,” meddai’r Arolygydd Kerry Scoberg o Heddlu Dyfed-Powys.

“Mae’n annerbyniol, a hoffem ddiolch i’r ddau ddyn a ddaeth i helpu ein cyd-weithiwr. Yn ffodus, mae mewn cyflwr da, ond heb eu meddwl cyflym fe fydd hi wedi bod yn stori wahanol.”

Mae dyn, 42, o ardal Caerfyrddin, wedi cael ei arestio ar amheuaeth o gyflawni troseddau’n ymwneud â thrais domestig, ymosod ar heddwas a difrod troseddol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer