Sefydlu ysgoloriaeth er cof am Hywel Teifi Edwards

Diweddarwyd  
Yr Athro Hywel Teifi Edwards

Yr Athro Hywel Teifi Edwards

Llun: Prifysgol Abertawe

Bydd ysgoloriaeth newydd yn cael ei sefydlu er cof am y diweddar academydd, yr Athro Hywel Teifi Edwards, ac mae ei fab, y newyddiadurwr Huw Edwards, yn apelio am gyfraniadau.

Nod Ysgoloriaeth Goffa Hywel Teifi fydd cefnogi myfyrwyr ôl-radd cyfrwng Cymraeg sydd am astudio maes sy’n ymwneud â’i gyfraniad i ddysg a diwylliant Cymru.

Mae’r meysydd hynny yn cynnwys hanes, llenyddiaeth, y Gymraeg, gwleidyddiaeth neu’r cyfryngau.

Bydd Academi Hywel Teifi Prifysgol Abertawe yn lansio apêl er mwyn sefydlu’r ysgoloriaeth yn y brifwyl yn Llanrwst yr wythnos nesaf.

Y bwriad yw gwobrwyo’r deiliad cyntaf yn Eisteddfod Genedlaethol Ceredigion y flwyddyn nesaf, sef sir enedigol Hywel Teifi Edwards.

“Rwy’n gobeithio y bydd cyfeillion o Gymru a thu hwnt yn fodlon cyfrannu at yr Ysgoloriaeth Goffa hon a fydd nid yn unig yn cadw’r cof am ´nhad yn fyw, ond hefyd yn sicrhau cefnogaeth i ysgolheigion cyfrwng Cymraeg a pharhad i’r meysydd y treuliodd ei oes yn eu hastudio a’u dysgu,” meddai Huw Edwards.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer