Gŵyl Fwyd Llanbed yn denu 7,000 o bobol ac yn “llwyddiant mawr”

Diweddarwyd  
Llun o brif adeilad y Brifysgol, lle mae'r wyl fwyd yn cael ei chynnal

Prifysgol Cymru: y Drindod Dewi Sant, yn Llanbedr Pont Steffan

Llun: Prifysgol Cymru: y Drindod Dewi Sant

Roedd tua 7,000 o bobol a 100 o stondinau yn bresennol yng Ngŵyl Fwyd Llanbed dros y penwythnos (dydd Sadwrn, Gorffennaf 27), er mai dim ond cyfnod o ddeufis a gafodd y trefnwyr i baratoi ar ei chyfer.

Bu’n rhaid i’r trefnwyr ofyn am help y gymuned ychydig wythnosau cyn y digwyddiad wedi i filoedd o bunnau “ddiflannu” o goffrau’r ŵyl – tua £5,000 yn ôl yr hyn mae golwg360 yn deall – gyda Heddlu Dyfed-Powys yn ymchwilio i’r mater.

Cafodd pwyllgor arbennig, oedd yn cynnwys rhai o brif sefydliadau’r dref, ei sefydlu ar drothwy’r ŵyl hefyd, gan gyfarfod am y tro cyntaf ar ddechrau mis Mehefin.

Cymorth busnesau lleol

Yn ôl maer y dref ac aelod o’r pwyllgor trefnu, Rob Phillips, bu’r ymateb i’r cais am gymorth yn “dda iawn”, gyda nifer o fusnesau lleol yn “hael iawn” tua’r achos, gan sicrhau bod y digwyddiad ar gampws y brifysgol yn “llwyddiant mawr”.

“Roedd rhai busnesau wedi gweld pryder am ddyfodol yr ŵyl, ac yn gwerthfawrogi pwysigrwydd yr ŵyl i’r dref,” meddai Rob Phillips wrth golwg360.

“Hyd yn oed os nad ydyn nhw fel busnesau penodol yn elwa, mae cael pobol yn y dref a chael y dref i ffynnu o les i bawb…

“Mae’r ŵyl yn bwysig iawn i Lanbed,” meddai wedyn. “Dyma, siŵr o fod, y diwrnod prysuraf yn y dref yn ystod y flwyddyn.

“Roeddwn i mor blês i weld bod y gymuned wedi dod at ei gilydd er mwyn gwneud yn siŵr bod yr ŵyl, nid jyst yn parhau, ond yn parhau i dyfu ac i ffynnu a’i fod yn parhau i fod yn un o’r gwyliau bwyd gorau yng Nghymru, yn fy marn i.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer