Codi £3,000 i fugail a gafodd ei anafu mewn ymosodiad yn y Sioe Fawr

Diweddarwyd am  
Mynedfa Maes y Sioe yn Llanelwedd

Mynedfa’r Maes

Eirian Evans (CCA2.0)

Mae dros £3,000 wedi cael ei godi ar gyfer hen fugail a gafodd ei daro yn ei wyneb yn ystod wythnos y Sioe Fawr yn Llanelwedd.

Cafodd Islwyn Jones, 76, ei ganfod yn gorwedd mewn llwyn ar ddydd Mercher (Gorffennaf 24) ar ôl iddo gael ei dargedu gan ladron wrth adael y toiledau mewn gwersyll ger Maes y Sioe y noson gynt.

Fe dderbyniodd fân anafiadau o ganlyniad i’r ymosodiad ac mae Heddlu Dyfed-Powys ar hyn o bryd yn apelio am dystion i’r digwyddiad rhwng 11yh a hanner nos, nos Fercher.

Beirniadu’r Sioe Fawr

Yn ôl y gronfa ar-lein a sefydlwyd gan Wendy Evans Harries, cyfaill i Islwyn Jones, fe gafodd yr hen ffermwr wythnos anlwcus wedi i’r awdurdodau feddiannu ei gerbyd gan nad oedd ganddo MOT.

Mae sawl unigolyn ar y cyfryngau cymdeithasol hefyd wedi beirniadu trefnwyr y Sioe Fawr am sut y gwnaethon nhw ymateb i’r ymosodiad, gyda rhai’n codi cwestiynau ynghylch safon y diogelwch.

Ond mewn datganiad, dywed Cymdeithas Amaethyddol Frenhinol Cymru iddyn nhw ymateb yn “brydlon” i’r digwyddiad, cyn mynd ymlaen – mewn datganiad arall – i amddiffyn eu henw da yn wyneb y feirniadaeth ar-lein.

“Nid arolygwyr yw staff y Sioe Fawr ac mae’n rhaid inni drosglwyddo materion o’r fath i ddwylo’r arbenigwyr,” meddai’r trefnwyr.

“Fe fyddwn ni’n adolygu’r amgylchiadau er mwyn sicrhau bod gwersi yn cael eu dysgu. Ond, ar hyn o bryd, mae ein meddyliau gydag Islwyn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer