“Braint” cael astudio archif Merêd a Phyllis Kinney – Gwenan Gibbard

Diweddarwyd am  

Gwenan Gibbard

Y Lolfa

Mae Gwenan Gibbard yn dweud bod cael y cyfle i astudio archif y diweddar Meredydd Evans a Phyllis Kinney yn “fraint” iddi.

Daeth y cyhoeddiad yr wythnos hon mai’r delynores a’r gantores o Bwllheli yw enillydd Ysgoloriaeth Ddoethurol Merêd a Phyllis Kinney.

Bydd yr astudiaeth yn cychwyn ym mis Hydref ac yn canolbwyntio ar gyfraniad y ddau o Gwmystwyth i gerddoriaeth werin yng Nghymru.

Mae’r ysgoloriaeth yn cael ei chynnig fel rhan o gynllun ar y cyd rhwng yr Archif Gerddorol Gymreig, Ysgol Cerddoriaeth a’r Cyfryngau Prifysgol Bangor, a’r Coleg Cymraeg Cenedlaethol.

“Edrych ymlaen yn arw”

“Dw i’n edrych ymlaen yn arw at gael cychwyn ar y gwaith fis Hydref ac yn ei theimlo hi’n fraint i gael y cyfle i dreulio cyfnod yn astudio archif dau o gewri byd cerddoriaeth werin Cymru,” meddai Gwenan Gibbard wrth golwg360.

“Mi fydd yna bwyslais ymarferol ar y gwaith, felly yn ogystal â thraethawd ymchwil, rhan o’r ddoethuriaeth fydd ailgyflwyno’r caneuon drwy berfformiadau, sgyrsiau, cyhoeddi a phrosiectau amrywiol eraill, a gobeithio, drwy hynny, ddwyn i’r amlwg, poblogeiddio a dyrchafu’r casgliad gwerthfawr yma.

“Mae yna lawer iawn o ganeuon anghyfarwydd yn yr archif, na chafodd eu cyhoeddi erioed o’r blaen a dw i’n teimlo’n gyffrous iawn wrth feddwl y caf gyfle i’w hailddarganfod a’u dwyn eto i olau dydd.”

Cerddoriaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer