Dros 3,000 eisiau bod yn rhan o “ddwyn cyrch” ar San Steffan

Diweddarwyd am  
Senedd San Steffan ac afon Tafwys - wedi eu goleuo fin nos

Y Senedd yn San Steffan

Llun: Maurice CCA2.0

Mae dros 3,000 o bobol wedi datgan eu diddordeb mewn digwyddiad i “ddwyn cyrch” ar San Steffan yn enw’r mudiad cenedlaetholgar.

Hyd yma, mae rhyw 3,100 o bobol wedi dangos diddordeb yn y digwyddiad ‘STORM WESTMINSTER THEY CAN’T OPPRESS US ALL’ ar wefan Facebook.

Ac mae dros 700 o bobol wedi dweud y byddan nhw’n cymryd rhan yn y cyrch sydd i fod i ddigwydd ar Dachwedd 5 eleni.

Jôc yw’r digwyddiad mewn gwirionedd, ac mae’n debyg mai’r Welsh Independence Memes for Angry Welsh Teens yw trefnwyr y ‘cyrch’.

Mae’r digwyddiad yn seiliedig ar ffug ddigwyddiad arall ar Facebook sydd hefyd yn annhebygol o gael ei gynnal mewn gwirionedd.

Area 51 dan warchae

Mae’r ‘cyrch’ y yn seiliedig ar ‘Storm Area 51, They Can’t Stop All of Us’ – digwyddiad cellweirus sydd bellach wedi mynd ar led ar y we.

Erbyn hyn, mae 1.6 miliwn o bobol wedi dweud y byddan nhw’n cymryd rhan, ac mae gan 1.2 miliwn o bobol diddordeb mewn ymweld â’r safle dirgel yn y Deyrnas Unedig.

“Wnawn ni gyd gwrdd ger atyniad twristiaid Canolfan Estroniaid Area 51, a wnawn ni gytuno ar sut i fynd i mewn …” meddai neges ar y digwyddiad. “Beth am i ni weld estroniaid!”

Llu Awyr yr Unol Daleithiau sy’n gyfrifol am Area 51 a dros y blynyddoedd mae sïon wedi lledu bod estroniaid yn cael eu cadw yno. Mae’r Llu wedi gwadu hynny ac yn rhybuddio pobol rhag ymweld.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn