Gorymdaith annibyniaeth i Gymru yn dod i Gaernarfon

Diweddarwyd am  
Gorymdaith annibyniaeth yng Nghaerdydd

Gorymdaith tros annibyniaeth yng Nghaerdydd

Llun: Damien P Rosser

Mae disgwyl i “dyrfaoedd mawr” orymdeithio drwy strydoedd tref Caernarfon y penwythnos nesaf (Gorffennaf 27), wrth i bobol ddangos eu cefnogaeth i’r syniad o Gymru annibynnol.

Daw’r digwyddiad gan y mudiad Pawb Dan Un Faner Cymru (AUOBCymru), yn dilyn gorymdaith lwyddiannus yng Nghaerdydd ym mis Mai, lle’r oedd miloedd o bobol.

Yn ôl trefnwyr yr orymdaith, y bwriad yw dangos “bod momentwm yn cynyddu i bobol Cymru gymryd rheolaeth o’u dyfodol eu hunain.”

Ymhlith y siaradwyr ar ddiwedd yr orymdaith fydd y digrifwr a’r ymgyrchydd o’r Alban Hardeep Singh Kohli, y canwr Dafydd Iwan, a’r bît-bocsiwr Ed Holden.

Ymgyrch yn “mynd o nerth i nerth”

“Mae hyn wir yn mynd o nerth i nerth fel dewis amgen i’r hen wleidyddiaeth ddiflas sydd wedi ein siomi cymaint o’r blaen,” meddai Gwyn Llewelyn, un o drefnwyr yr orymdaith.

“Byddwn yn argymell i unrhyw un sydd eisiau dyfodol gwell i’w teulu a’u cymuned ymuno â ni yn yr orymdaith am annibyniaeth yng Nghaernarfon, gofyn y cwestiynau anodd a chymryd rhan yn llunio dyfodol ein gwlad.”

Bydd yr orymdaith yn cychwyn am 1yp o Faes Parcio Doc Fictoria, cyn mynd ymlaen i Balaclafa ac yna ar hyd Stryd Pedwar a Chwech at Stryd y Plas.

Bydd wedyn yn mynd o amgylch y castell ac yn gorffen ar y Maes lle bydd rali fawr yn cael ei gynnal.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer