Arwyn Jones yn mynd o ohebu i gyfathrebu yn y Cynulliad

Diweddarwyd  

Senedd, Bae Caerdydd

Llun: nigel-swales-CC-SA-2.0.jpg

Bydd un o newyddiadurwyr mwyaf blaenllaw y BBC yng Nghymru yn gadael ei swydd ar ddiwedd yr haf er mwyn dod yn uwch-swyddog cyfathrebu yn y Cynulliad.

Mae Arwyn Jones ar hyn o bryd yn ohebydd gwleidyddol BBC Cymru, ac mae wedi bod yn gweithio i’r Gorfforaeth ers 15 mlynedd.

Mae’n wyneb cyfarwydd ar raglenni newyddion BBC Cymru yn y Gymraeg a’r Saesneg, ac mae’n brif gyflwynydd y rhaglen Sunday Politics Wales ar y penwythnosau.

Yn rhinwedd ei swydd newydd, sef Cyfarwyddwr Cyfathrebu ac Ymgysylltu y Cynulliad, bydd Arwyn Jones yn gyfrifol am sianeli cyfathrebu ac ymgysylltu’r sefydliad.

‘Adeg mor gyffrous o newid cyfansoddiadol’

“Ar ôl arsylwi gwaith y Cynulliad dros y degawd a hanner diwethaf, rwy’n edrych ymlaen yn fawr at ymgymryd â’r swydd ar adeg mor gyffrous o newid cyfansoddiadol,” meddai Arwyn Jones.

“Mae ceisio cyrraedd pleidleiswyr ac ymgysylltu â nhw yn cyflwyno heriau a chyfleoedd yr wyf ar dân i gychwyn arni.”

Yn ôl Manon Antoniazzi, Prif Weithredwr y Cynulliad, bydd Arwyn Jones yn ymuno a’r sefydliad ar “adeg arbennig o ddiddorol a phwysig”.

“Rwy’n falch fy mod wedi denu cyfarwyddwr newydd dawnus ac uchel ei barch ac rwy’n gwbwl sicr y bydd gweledigaeth a sgiliau Arwyn yn gaffaeliad mawr i ni wrth i’n democratiaeth gychwyn y cyfnod trawsnewid nesaf.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones