Diwrnod hyfforddiant arall i ysgolion Cymru

Diweddarwyd am  
Dosbarth mewn ysgol

Llun: CCO

Bydd ysgolion Cymru yn cael diwrnod ychwanegol i ffwrdd yn ystod y tair blynedd nesaf.

Mae’r cyfan yn rhan o’r paratoadau ar gyfer y Cwricwlwm Addysg newydd a fydd yn cael ei weithredu o 2022 ymlaen.

Bydd y diwrnod hyfforddiant ychwanegol yn digwydd bob tymor yr haf, gyda’r amser yn cael ei ddefnyddio’n “effeithiol” er mwyn paratoi athrawon ar gyfer y newid, yn ôl Llywodraeth Cymru.

Yn ddiweddar, fe fuddsoddodd Llywodraeth Cymru £24m mewn hyfforddiant ar gyfer athrawon.

“Paratoi yn dda”

“Rydyn ni am sicrhau’r addysg orau bosib i’n disgyblion, ac i gyflawni hynny rhaid inni wneud yn siŵr bod athrawon wedi paratoi yn dda i wneud yr hyn y maen nhw’n ei wneud orau,” meddai’r Gweinidog Addysg, Kirsty Williams.

“Mae’r diwrnod HMS ychwanegol hwn, ochr yn ochr â’r buddsoddiad digyffelyb yr ydyn ni wedi’i wneud yn ein hathrawon, yn dangos ein bod ni o ddifrif am roi’r amser a’r gefnogaeth sydd eu hangen arnyn nhw i addysgu’r cwricwlwm newydd.”

Mae undebau’r athrawon wedi croesawu’r diwrnod hyfforddiant ychwanegol, gydag NEU Cymru yn dweud y bydd yn “help mawr” i ysgolion wrth baratoi ar gyfer y newidiadau ym myd addysg.

Bydd yr ymgynghoriad ar y cwricwlwm drafft yn dod i ben ar ddiwedd yr wythnos hon, sef Gorffennaf 19.

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer