Amser claddu Prifysgol Cymru, meddai Leighton Andrews

 


Leighton Andrews
Mae’r Gweinidog Addysg wedi galw am ddod â Phrifysgol Cymru i ben.

Mewn cyfweliad radio fe ddywedodd Leighton Andrews ei bod hi’n bryd rhoi “angladd barchus” i’r corff sydd wedi arwain addysg uwch yng Nghymru ers mwy na 100 mlynedd.

Roedd y sgandal tros golegau sy’n rhoi graddau ar ran y Brifysgol wedi gwneud drwg i enw da addysg uwch yng Nghymru ac i’r wlad ei hun, meddai ar Radio Wales.

“Mae’r hyn sydd wedi digwydd yn ystod y 12 mis diwetha’ i’w resynu. Mae Prifysgol Cymru wedi gwneud cam â Chymru.

“Mae Llywodraeth Cymru’n pryderu’n arw am Brifysgol Cymru.”

Gadael y Brifysgol

Mae’r BBC hefyd yn adrodd bod Athrofa Prifysgol Cymru Caerdydd yn bwriadu gadael y corff a rhoi ei graddau ei hun o dan enw Prifysgol Fetropolitaidd Caerdydd.

Roedd yr Athrofa eisoes wedi tynnu’n ôl o fwriad i ymuno gyda’r Brifysgol a Phrifysgol y Drindod Dewi Sant a Phrifysgol Fetropolitaidd Abertawe.

Mae hefyd yn gwrthod awgrym y Llywodraeth y dylai uno gyda Phrifysgol Casnewydd a Phrifysgol Morgannwg – mae eisiau gweld mwy o gydweithio rhwng prifysgolion ardal Caerdydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019