£150,000 i adfywio palas Esgob Tyddewi

Diweddarwyd am  
Gerddi palas Ty Ddewi

Gerddi palas Ty Ddewi

Llun: Cyngor Sir Gâr

Mae Ymddiriedolaeth Drws i’r Dyffryn wedi cael bron i £150,000 at brosiect i adfer Parc yr Esgob yn Abergwili, Caerfyrddin.

Bydd yr arian yn mynd at y gwaith o drawsnewid gerddi a hen dai allanol palas Esgob Tyddewi, sydd yn gartref i Amgueddfa Sir Gaerfyrddin.

Yn ogystal â rhoi sglein ar y gerddi, bydd yr arian yn mynd at wella cyflwr cynefinoedd bywyd gwyllt y parc, gwella mynediad cyhoeddus a throi adeiladau allanol yn gaffi a chanolfan ddehongli.

Fe gafodd yr Ymddiriedolaeth £46,125 gan Gynllun Cymunedau y Dreth Gwarediadau Tirlenwi, a £100,156 gan Lywodraeth Cymru.

Gwario £1.8m

Dywedodd Louise Austin, Rheolwr yr Ymddiriedolaeth, y byddai’r cyllid yn gwneud gwahaniaeth mawr:

“Mae Parc yr Esgob yn lle arbennig iawn. Mae gan y parc a’r ardd wych fwy nag 800 o flynyddoedd o gysylltiadau hanesyddol a diwylliannol yn ogystal â bywyd gwyllt o bwys cenedlaethol.

“Bydd y grantiau hyn yn helpu mwy o bobl i ymweld, mwynhau a chymryd rhan yn y gwaith o ddiogelu’r hyn sy’n gwneud y safle hwn yn arbennig.”

Hyd yn hyn, mae’r Ymddiriedolaeth wedi codi cyfanswm o £1,881,581 tuag at y prosiect, gan gynnwys £300,000 gan Gyngor Sir Gaerfyrddin.

“Rydym wrth ein boddau bod yr Ymddiriedolaeth wedi llwyddo i gael cyllid,” meddai’r Cynghorydd Peter Hughes Griffiths, yr Aelod o’r Bwrdd Gweithredol dros Ddiwylliant, Chwaraeon a Thwristiaeth.

“Mae’r cydweithrediad unigryw hwn yn argoeli bod yn llwyddiant mawr a bydd, dros amser, yn trawsnewid y safle hwn sy’n arwyddocaol yn ddiwylliannol er mwyn i bobl gael gweld ei holl hanesion cudd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019