Cau ysgol gynradd yn Ystalyfera yn sgil ofnau am dirlithriad

 

Llun: CC0

Mae ysgol gynradd yn ardal Ysralyfera wedi gorfod cau yn dilyn pryderon am dirlithriad.

Bydd Ysgol Godre’r Graig ar gau am weddill tymor yr haf ar ôl i arbenigwyr ganfod bod yna “risg lefel ganolig” o dip gwastraff gerllaw’r ysgol.

Mae’r risg, medden nhw, yn gysylltiedig â nant ger yr ysgol, ac mae pryderon y gall achosi tirlithriad mewn tywydd garw.

Dyw Cyngor Castell-nedd Port Talbot ddim wedi dweud pryd fydd yr ysgol yn ailagor, ond maen nhw am barhau i roi gwybodaeth i rieni ynglŷn â “datblygiadau a threfniadau i adleoli’r holl ddisgyblion a staff i safle amgen yn barod ar gyfer mis Medi,” medden nhw.

“Hoffwn bwysleisio ein bod ni’n deall mor anferth yw’r penderfyniad hwn, ond rhaid i ddiogelwch ein plant, ein staff a’n preswylwyr fod, nawr, fel bob amser, yn flaenoriaeth i’r Cyngor,” meddai’r Cynghorydd Rob Jones, Arweinydd y Cyngor.

“Mae gennym ofidiau am y darganfyddiadau cychwynnol, sydd wedi cydnabod risg ganolig o berygl sy’n gysylltiedig â gwastraff o chwarel uwchlaw’r ysgol, ac er y bydd angen gwneud gwaith ymchwilio pellach, rydym ni wedi penderfynu, fel mesur fydd yn carco diogelwch y plant, i gau’r ysgol yn gynnar cyn gwyliau’r haf.”

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones